26 iyul 2011 16:18
Berti Foqts üçün yeni rəqib
Makedoniya yığmasının yeni baş məşqçisinin kimliyi nəhayət ki, dəqiqləşib. Azerisport.az xəbər verir ki, Mirsad Yonuzun bir neçə ay öncə istefaya göndərilməsindən bəri boş qalan baş məşqçi postunu bundan sonra Boban Babunski tutacaq.
Artıq 43 yaşlı mütəxəssis rəsmən baş məşqçi postuna təyin olunub. Yuqoslaviya və Makedoniya yığmalarının sabiq oyunçusu ilə iki illik müqavilə imzalanıb.
Qeyd edək ki, Babunskinin baş məşqçi postundakı debüt oyunu Bakıda Azərbaycan millisinə qarşı olacaq. Belə ki, onun yeni komandası avqustun 10-da yoldaşlıq oyunu çərçivəsində millimizin qonağı olacaq.
