26 iyul 2011 18:40
İnter İngiltərə Premyer Liqası klubu ilə qarşılaşacaq
“İnter” Sloveniyada növbəti mövsümə hazırlığını davam etdirir. Azerisport.az xəbər verir ki, “bankirlər” burda yoldaşlıq oyunlarında qüvvəsini sınamağı da unutmur.
Öncədən tərtib olunmuş qrafikə uyğun olaraq “İnter” sabah İtaliyanın “Lecce” komandasıyla yoxlama matçı keçirilməli idi. Lakin qrafikdə edilmiş dəyişiklik nəticəsində komanda İngiltərə Premyer Liqasına bu il vəsiqə qazanmış “Swansea City” komandasıyla qarşılaşacaq. Oyun iyulun 27-də Bakı vaxtıyla saat 21:30-da baş tutacaq.
Qeyd etmək yerinə düşərdi ki, Uelsin Suonsi şəhərində 1912- ildə yaradılan bu klub o zaman İngiltərə Futbol Liqası adlanan futbol təşkilatına 1920-ci ildə qoşulub. 1926 və 1964-cü illərdə İngiltərə Kubokunun yarımfinalçısı olub. 10 dəfə Uels Kubokunun qalibi adını qazanıb. Ötən mövsüm isə 28 ildən sonra Premyer Liqaya vəsiqə əldə etməyi bacarıb.
