26 iyul 2011 00:03
Volqa Vaqif Cavadovun mövqeyinə daha 1 oyunçu aldı
Azərbaycan millisinin hücumçusu Vaqif Cavadovun şərəfini qoruduğu Rusiyanın “Volqa” klubu daha bir futbolçu alıb. Azerisport.az xəbər verir ki, bu, moldovalı Mixail Paseçnyukdu.
20 yaşı olan Paseçnyuk məhz Vaqifin mövqeyində - sol cinah yarımmüdafiəçisi kimi çıxış edir. 2010/2011 mövsümün Moldova “Olimpiya”sında keçirmiş Paseçnyuk ötən mövsümün əsas tapıntılarından hesab olunur.
O, həm də ötən mövsüm Moldovanın ən yaxşı gənc futbolçusu seçilib. Ölkəsinin gənclərdən ibarət yığmasının əsas üzvlərindən olan Paseçnyuk əsas yığmaya da dəvət almağa başlayıb.
Qeyd edək ki, bu oyunçu bir müddət öncə “Volqa”ya baxışa çağırılmışdı. Görünür o, özünü məşqçilər korpusuna yaxşı tərəfdən göstərməyi bacarıb. Deməli, moldovalı oyunçu əsas heyətə düşmək baxımından Cavadovun əsas rəqiblərindən olacaq.
