27 iyul 2011 02:31
“Məqsəd çempionluq titulunu qorumaqdı”
Növbəti mövsümün hazırlıqlarını davam etdirən “Bakı”nın əvəzedici komandası yoxlama oyunu keçirib. Azerisport.az xəbər verir ki, Premyer Liqanın debütantı “Sumqayıt şəhər” klubunun əvəzedici komandasını qəbul edən “Bakı” böyükhesablı qələbə qazanıb.
Paytaxt klubunun təlim-məşq bazasının süni örtüklü meydançasında baş tutan oyun meydan sahiblərinin üstünlüyü şəraitində keçi. İlk hissədə Tural Qürbətovun qolu ilə hesabı açan əvəzedicilər, ikinci yarıda Namiq Ələsgərovun qolları ilə 3:0 hesablı qələbə qazanıblar.
Yoxlama oyunlarını davam etdirən “Bakı”nın əvəzediciləri 28 iyulda AZAL-la qarşılaşacaq.
Komandanın baş məşqçisi Qəhrəman Əliyev isə təlim-məşq prosesinin gedişindən razı görünür: “Gördüyünüz kimi, yeni komanda qururuq. Ötənilki heyətdən az sayda futbolçu saxlamışıq. Bu mövsüm, əsasən, 17 yaşlılardan ibarət komandamızın üzvlərinə üstünlük veririk. Bu il üçün də hədəfimiz çempion titulunu qorumaqdı. Əsas məqsədimiz əsas komanda üçün futbolçu yetişdirməkdi. İnanıram ki, mövsümün sonunda bu komandada yer alan bir neçə futbolçumuz əsas komandaya dəvət alacaq".
