27 iyul 2011 16:42
Ansi Aqolli: Ümid edirəm ki, sabahkı oyuna köklənə biləcəyik
“Qarabağ”ın müdafiəçisi Ansi Aqolli azerisport.az saytına müsahibəsində UEFA Avrpa Liqasının üçüncü təsnifat mərhələsinin Belçika “Brugge”si ilə səfər oyunu öncəsi komandasının şanslarından danışıb.
- Sabah bizi çox çətin oyun gözləyir. Rəqibimiz çox güclüdü. Bu, nə “Banga”, nə də “Streymur”du. Qarşımızdakı komanda tamamilə fərqli səviyyəli komandadı. Amma deməliyəm ki, “Brugge”ni bütün mövsüm böyu gözləmişik. Axı belə komandalarla qarşılaşmaq üçün çempionatda yaxşı oynayırıq ki, avrokuboklara vəsiqə qazanaq.
- “Brugge”dən ilk oyunda nə gözləyirsiz?
- Komanda evdə necə oynamağı sevir? Məncə, onlar bizə qarşı aqressiv oyun sərgiləyəcəklər. Biz buna yaxşı hazırlaşmalıyıq. Bizə xüsusilə ilk dəqiqələrdən çox çətin olacaq və bu təhlükəni adlamaq üçün əlimizdən gələni etməliyik. Mən “Brugge”ni top-komanda adlandırardım.
- Komanda evdə necə oynamağı sevir? Məncə, onlar bizə qarşı aqressiv oyun sərgiləyəcəklər. Biz buna yaxşı hazırlaşmalıyıq. Bizə xüsusilə ilk dəqiqələrdən çox çətin olacaq və bu təhlükəni adlamaq üçün əlimizdən gələni etməliyik. Mən “Brugge”ni top-komanda adlandırardım.
- Belçikalılar cinahlardan oynamağı sevirlər. Rəqibin bu hücumlarına hazırsız?
- Fikrimcə, sabah mənim də, Maksim Medvedevin də işi çox olacaq. Onların həqiqətən təhlükəli cinah yarımmüdafiəçiləri var. Amma hələ kimə qarşı oynayacağımı bilmirəm. Kim olsa, hazıram.
- “Brugge”ni ötən mövsümkü rəqiblərinizdən Polşa “Wisla”sı ilə müqayisə etmək olar?
- Krakov təmsilçisi də yaxşı səviyyəli komanda idi. Amma “Brugge” daha güclü çempionatın təmsilçisidi. Odu ki, bu ilki rəqibimizin daha güclü olduğunu düşünürəm.
- Krakov təmsilçisi də yaxşı səviyyəli komanda idi. Amma “Brugge” daha güclü çempionatın təmsilçisidi. Odu ki, bu ilki rəqibimizin daha güclü olduğunu düşünürəm.
- Karyeranız ərzində belçikalılara qarşı oynamısız?
- Hələ yox. Sabah onlarla ilk görüşüm olacaq.
- Dünən “Qarabağ” yolda olarkən kapitan Rəşad Sadiqovun qardaşının qəfil ölüm xəbəri gəldi. Bu, şübhəsiz komandadakı əhval-ruhiyyəni korlayıb...
- Mən Rəşadla birgə oturmuşdum, kofe gözləyirdik. Bir nəfər bu xəbəri ona çatdırdı. Mən bu hadisəni öz gözlərimlə gördüm və Rəşadın hansı ağrılı hisslər keçirdiyinin şahidi oldum. Təbii ki, komandadakı atmosfer xoş deyil. Amma ümid edirəm ki, sabahkı oyuna köklənə biləcəyik.
- Hansı nəticəyə ümid bəsləyirsiz?
- Mən Bakıya yaxşı nəticə ilə qayıtmağı çox istəyirəm. Ən azı növbəti mərhələyə adlamaq şanslarımızı saxlayacaq bir nəticə. Sabahkı oyun bizim üçün çox vacibdi.
- Konkret hansı hesabı istərdiniz?
- 1:1 və ya 2:2.
- 1:1 və ya 2:2.
- Amma “Streymur”la oyunlardan sonra çoxları sizin uğurunuza inanmır...
- Çox təəssüf edirəm ki, belə düşünürlər. Komandamız dəyişməyib. Bütün oyunçular qalıb, daha böyük təcrübə toplamışıq. Ümid edirəm ki, bütün azarkeşlərimizi sevindirə biləcəyik.
