28 iyul 2011 13:54
Qurban Qurbanov Adamiyadan imtina etdi
“Qarabağ”ın baş məşqçisi Qurban Qurbanov UEFA Avropa Liqasının üçüncü təsnifat mərhələsinin Belçika “Brugge”si ilə səfər oyunu üçün start heyətini müəyyənləşdirib. Azerisport.az komandamızın son məşqinə əsasən xəbər verir ki, Ağdam klubu bu gün Brüggedə keçiriləcək ilk matça aşağıdakı start heyəti ilə çıxacaq:
Boyan Pavloviç, Rəşad Sadıqov, Admir Teli, Maksim Medvedev, Ansi Aqolli, Namiq Yusifov, Qara Qarayev, Nderim Nedzipi, Vüqar Nadirov, Əfran İsmayılov, Rauf Əliyev.
Heəytdən də göründüyü kimi, Qurbanov gürcüstanlı futbolçu Georgi Adamiyanı bu görüşdə ehtiyatda saxlamağa qərar verib.
Maraq üçün xatırladaq ki, bu komandalar arasında ilk görüş bu gecə Brüggedəki “Yan Breydel” stadionunda keçiriləcək və Bakı vaxtı ilə saat 23:30-da start götürəcək. Cavab oyun isə avqustun 4-də Tofiq Bəhramov adına Respublika stadionunda keçiriləcək və saat 21:00-da başlayacaq.
