28 iyul 2011 15:34
Nderim Nedzipi: Səfərdə qol buraxmamaq çox vacibdi
“Qarabağ”ın yarımmüdafiəçisi Nderim Nedzipi Avropa Liqasının üçüncü təsnifat mərhələsinin Belçika “Brugge”si ilə səfər matçı ilə bağlı fikirlərini açıqlayıb. Azerisport.az saytına müsahibəsində makedoniyalı futbolçu bunları dilə gətirib:
“Bilirik ki, rəqib tamamilə fərqli səviyyədə olan bir komandadı. “Brugge” Belçikanın ən ambisiyalı klublarındandı, həmişə çempionluğa oynayır. Səfər oyununda bizim üçün daha çox qol buraxmamaq vacib əhəmiyyət daşıyır. Xüsusilə ilk 15-20 dəqiqədə qapımız qarşısında təhlükə yaranmasına imkan verməməliyik. Əgər bunu bacarsaq, sonda yaxşı nəticəyə ümid edə bilərik. Şəxsən mən Brüggedən yaxşı nəticə ilə dönəcəyimizə ümidliyəm”.
