29 iyul 2011 02:16
Türkiyə klublarından inamsız nəticə (YENİLƏNİB)
UEFA Avropa Liqasında üçüncü təsnifat mərhələsinin ilk oyunları keçirilib. Azerisport.az xəbər verir ki, qitənin nüfuzuna görə Çempionlar Liqasından sonra ikinci ən səviyyəli turniri olan Avroliqada üçüncü tur hələ iki gün öncə başlamışdı.
Məsələ burasındadı ki, bu mərhələnin qalan bütün oyunları bu gün keçirilməli olsa da, “Bnei Yehuda” (İsrail) – “Helsingborg” (İsveç) görüşü klubların qarşılıqlı razılığına əsasən iki gün öncəyə çəkilmişdi. Bu dəfə isə qalan kollektivlər ilk oyunlarına çıxıblar.
Qeyd edək ki, bu turnirin birinci təsnifat mərhələsindən 50 komanda mübarizəyə qoşulmuşdu və onlardan yarısı mübarizəni ilk cəhddə dayandırarkən, daha güclü bir o qədər kollektiv üçüncü mərhələyə yüksəlmişdi. İkinci təsnifat mərhələsində isə daha 40 komanda yarışla vidalaşdı. Eyni sayda komanda isə mübarizəni üçüncü təsnifat mərhələsində davam etdirmək hüququna yiyələndi.
Təəssüf ki, birinci mərhələdə mübarizəni dayandıranlar arasında Azərbaycan klublarından AZAL, eləcə də ikinci təsnifat mərhələsində “Xəzər Lənkəran” da vardı. Amma hər iki mərhələni uğurla adlayan “Qarabağ” artıq pley-offa çıxmaq üçün mübarizə aparır. Ağdam klubunun “Brugge” (Belçika) ilə oyunuyla yanaşı bu mərhələdə daha 34 qarşılaşma keçirilib.
Diqqət çəkən nəticələr arasında "Xəzər Lənkəran"ı mübarizədən kənarlaşdıran "Maccabi"nin "Zeljeznicar" üzərində səfərdə qələbə qazanmasını xüsusi qeyd etmək olar. Qardaş ölkə - Türkiyənin təmsilçilərindən AZAL-ın qənimi "Minsk"i mübarizədən kənarlaşdırmış "Gaziantepspor" gözlənilmədən evdə "Legia"ya uduzub. "Bursaspor" isə ev oyununda "Gomel"ə uduzduğu görüşdə əzmkar qələbəyə sevinib.
Keçirilən bütün oyunların siyahısı və qeydə aınan nəticələr ilə sizi də tanış edirik:
Avropa Liqası
Üçüncü təsnifat mərhələsi
İlk oyunlar
26 iyul
Bnei Yehuda (İsrail) – Helsingborg (İsveç) – 1:0
28 iyul
Slask (Polşa) - Lokomotiv (Sofiya, Bolqarıstan) - 0:0 (0:0)
AEK (Kipr) – Mlada Boleslav (Çexiya) - 3:0 (0:0)
Alania (Rusiya) – Aktobe (Qazaxıstan) - 1:1 (0:1)
Ventspils (Latviya) – Crvena Zvezda (Serbiya) - 1:2 (1:1)
Karpatı (Ukrayna) - Saint Patrick's (İrlandiya) - 2:0 (1:0)
Olimpija (Sloveniya) - Austria (Avstriya) - 1:1 (0:1)
Aalesunds (Norveç) - Elfsborg (İsveç) - 4:0 (1:0)
Zalsburg (Avstriya) - Senica (Slovakiya) - 1:0 (0:0)
Anorthosis (Kipr) – Rabotnicki (Makedoniya) - 0:2 (0:0)
Metallurg (Rustavi, Gürcüstan) – Renn (Fransa) - 2:5 (1:3)
Sparta (Çexiya) - Sarajevo (Bosniya və Herseqovina) - 5:0 (2:0)
Vorskla (Ukrayna) - Sligo Rovers (İrlandiya) - 0:0 (0:0)
Valerenga (Norveç) - PAOK (Yunanıstan) - 0:2 (0:0)
Young Boys (İsveçrə) - Westerlo (Belçika) - 3:1 (2:1)
Bursaspor (Türkiyə) – Gomel (Belarus) - 2:1 (0:1)
Hapoel (Təl-Əviv, İsrail) - Vaduz (Lixtenşteyn) - 4:0 (2:0)
Omonia (Kipr) - Den Haag (Hollandiya) - 3:0 (1:0)
Split (Xorvatiya) - Fulham (İngiltərə) - 0:0 (0:0)
Levski (Bolqarıstan) - Spartak (Trnava, Slovakiya) - 2:1 (0:0)
AZ Alkmaar (Hollandiya) - Jablonec (Çexiya) - 2:0 (0:0)
Gaziantepspor (Türkiyə) – Legia (Polşa) - 0:1 (0:1)
Dinamo (Rumıniya) - Varaždin (Xorvatiya) - 2:2 (2:2)
Differdange (Lüksemburq) - Olympiakos (Yunanıstan) - 0:3 (0:0)
Paksi (Macarıstan) – Harts (Şotlandiya) - 1:1 (1:1)
Zeljeznicar (Bosniya və Herseqovina) - Maccabi (Təl-Əviv, İsrail) - 0:2 (0:0)
Brugge (Belçika) – Qarabağ (AZƏRBAYCAN) - 4:1 (1:0)
Mainz (Almaniya) - Gaz Metan (Rumıniya) - 1:1 (1:0)
Palermo (İtaliya) - Thun (İsveçrə) - 2:2 (1:1)
Stoke City (İngiltərə) - Hajduk (Xorvatiya) - 1:0 (1:0)
Nacional (Portuqaliya) - Häcken (İsveç) - 3:0 (3:0)
Atletico (İspaniya) - Stromsgodset (Norveç) - 2:1 (0:0)
Midtjylland (Danimarka) – Vitoria (Portuqaliya) - 0:0 (0:0)
Ried (Avstriya) - Brondby (Danimarka) - 2:0 (1:0)
Reykjavik (İslandiya) - Dinamo (Tbilisi, Gürcüstan) - 1:4 (1:1)
