29 iyul 2011 14:21
Neftçi Arif Əsədovla yollarını ayırır
Azərbaycan çempionu “Neftçi” baş məşqçi dəyişikliyinə hazırlaşır. Azerisport.az xəbər verir ki, paytaxt klubunun rəhbərliyi Arif Əsədovu istefaya göndərir.
Son ölkə çempionatının qalibi olmasına baxmayaraq, klub rəhbərliyi onun Çempionlar Liqasındakı uğursuz çıxışını bağışlamaq istəmir. Halbuki, klub prezidenti Sadıq Sadıqov elə saytımıza açıqlamasında bildirmişdi ki, istənilən nəticə qarşılığında baş məşqçiylə yollarına davam edəcəklər.
Lakin göründüyü kimi, o, bu fikrini dəyişib və Əsədovun komandadan getməsinə çalışır. Hələlik ölkə çempionunun yeni baş məşqçisinin kim olacağı dəqiq deyil.
Şayiələrə görə Əsədovun əvəzləyici “Xəzər Lənkəran”ın rumıniyalı çalışdırıcısı Mirça Rednik və Yunis Hüseynov ola bilər.
