29 iyul 2011 13:01
Hufkens: Qarabağın vurduğu qol bizi şoka saldı
Belçikanın “Brugge” klubunun kapitanı Karl Hufkens Avropa Liqasının üçüncü təsnifat mərhələsi çərçivəsindəki “Qarabağ”la ilk oyunlarını şərh edib. Azerisport.az xəbər verir ki, o, 4:1 hesabıyla qalib gəldikləri görüşlə bağlı bunları dilə gətirib:
“Biz nə olmalı idisə, onu da etdik. Buraxılan qol bizi şoka salsa da, özümüzü ələ ala bildik. Meydanda bəzi futbolçular bir-birini başa düşməsələr də, bu, anlaşılandı. İndi biz “Westerlo” ilə oyuna köklənə bilərik”.
Qeyd edək ki, “Brugge” iyulun 31-də Belçika çempionatının yeni mövsümünün açılış turunda evdə “Westerlo”nu qəbul edəcək.
