31 iyul 2011 13:41
Namiq Yusifov: Brüggedə özümü əsl futbolçu kimi hiss etdim
“Qarabağ”ın yarımmüdafiəçisi Namiq Yusifov Avropa Liqasının üçüncü təsnifat mərhələsinin Belçika “Brugge”si ilə oyunu ilə bağlı azerisport.az saytının suallarını cavablandırıb:
- Belçikada “Qarabağ”ı kapitan kimi Avroliqa matçına çıxardınız, amma nəticə heç də ürəkaçan olmadı. 1:4 hesablı yenilgiylə üzləşdiniz...
- Belçikada “Qarabağ”ı kapitan kimi Avroliqa matçına çıxardınız, amma nəticə heç də ürəkaçan olmadı. 1:4 hesablı yenilgiylə üzləşdiniz...
- Mənim üçün “Qarabağ” kimi komandanı meydana kapitan qismində çıxarmaq böyük şərəf idi. Bu, əlavə stimul, motivasiya idi. Hesab edirəm ki, “Qarabağ” Azərbaycan futbolunun yeni tarixidi. Oyunun nəticəsinə gəlincə, bundan danışmaq heç də xoş deyil. Baxmayaraq ki, mən heç də pis oynadığımızı düşünmürəm.
- Rəqib əsas hücumlarını mərkəzdən təşkil edirdi. Ocica, Vaskes kimi futbolçuları dayandırmaq nə dərəcədə çətin idi?
- Mən deməzdim ki, bizim yarımmüdafiə xəttimiz onlara uduzurdu. Bizim mövqeyimizdən cəmi bir qol vuruldu. Üçüncü qol ümumiyyətlə autdan oldu, dördüncünü özümüz vurduq. Amma belə əlbəttə, “Brugge”nin orta sahəsi çox möhtəşəmdi.
- Mən deməzdim ki, bizim yarımmüdafiə xəttimiz onlara uduzurdu. Bizim mövqeyimizdən cəmi bir qol vuruldu. Üçüncü qol ümumiyyətlə autdan oldu, dördüncünü özümüz vurduq. Amma belə əlbəttə, “Brugge”nin orta sahəsi çox möhtəşəmdi.
- Mərkəzdə Qara Qarayevlə oynamaq necə idi?
- Biz ilk dəfə belə bir yerdə oynayırdıq. Amma hesab edirəm ki, o, baş məşqçinin dediklərini yerinə yetirirdi.
- Biz ilk dəfə belə bir yerdə oynayırdıq. Amma hesab edirəm ki, o, baş məşqçinin dediklərini yerinə yetirirdi.
- Oyundan sonra adi gəzmək üçün gücünüz qalmışdı?
- Çətin idi. Amma mən lovğalanmaq fikrindən uzağam.
- Çətin idi. Amma mən lovğalanmaq fikrindən uzağam.
- Stadiondakı atmosfer oyununuza təsir göstərmirdi?
- Düzünü desəm, mən belə atmosferdə oynamaqdan çox məmnun qaldım. Özünü əsl futbolçu kimi hiss edirsən. Təəssüf ki, il ərzində cəmi 1-2 dəfə belə şeyi görürük.
- Artıq Avropa ilə vidalaşmağa hazırlaşırsız?
- Razı deyiləm. Mən həyatda da optimistəm. Həmişə ən yaxşısına ümid etmişəm. Allah eləsin ki, Bakıda oyunumuz alınsın.
