31 iyul 2011 14:12
Şahin Diniyev: Yalnız Lüksemburqdan güclüyük
Azərbaycan yığmasının sabiq baş məşqçisi Şahin Diniyev dünən keçirilən futbol üzrə DÇ-2014-ün seçmə mərhələsinin püşkatmasını dəyərləndirib. Azerisport.az saytına müsahibəsində, o, Portuqaliya, Rusiya, İsrail, Şimali İrlandiya və Lüksemburqla eyni qrupa düşməyimizi belə şərh edib:
“Əsas odu ki, 6 komandalı qrupa düşdük. Ona da sevinə bilərik ki, bizə altıncı səbətdən də komanda düşüb. Yaxşı ki, bu, Uels yox, Lüksemburq oldu. Baxmayaraq ki, Lüksemburqun da son matçları göstərir ki, bu komanda futbol oynaya bilir. Aydın məsələdi ki, Portuqaliya, Rusiya, İsrail bizim komandadan güclüdü. Elə Şimali İrlandiyadan da zəifik. Amma Lüksemburqdan güclüyük.
Əlbəttə, bütün bunlar hamısı kağız üzərində belədi. Hər şeyə meydanda aydınlıq gələcək. Seçmə mərhələ üçün konkret məqsəd müəyyənləşməlidi. Təbii ki, DÇ-nin final mərhələsinə vəsiqə qazanmaq bizlik deyil. Yığmanın heyətində dəyişiklik etmək haqda düşünməyə dəyməz. Aydındı ki, yığma komandaya ən güclü futbolçular dəvət olunurlar. İndi sadəcə oynamaq və yaxşı futbol göstərmək qalır. Mümkün qədər çox xal toplamaq haqda düşünmək lazımdı. Komandada başqa məqsəd olmamalıdı”.
