Mahir Şükürov: Yaxşı oldu ki, Rusiya ilə düşdük

Azərbaycan yığmasının və “Qəbələ”nin müdafiəçisi Mahir Şükürov dünən keçirilən futbol üzrə DÇ-2014-ün seçmə mərhələsinin püşkatmasını dəyərləndirib. Azerisport.az saytına müsahibəsində, o, Portuqaliya, Rusiya, İsrail, Şimali İrlandiya və Lüksemburqla eyni qrupa düşməyimizi belə şərh edib:

“Biz çox güclü qrupa düşmüşük. Amma bu, əllərimizi yana salmağımıza səbəb olmamalıdı. DÇ-2014-ün seçmə mərhələsinə hələ kifayət qədər vaxt var. Çox yaxşı oldu ki, Rusiya yığması ilə yenidən qarşılaşacağıq. Bakıdakı heç-heçədən sonra çoxlu söz-söhbət yayıldı ki, guya həmin oyun satılmışdı. Bizim bütün bu fikirlərin boş olduğunu sübut etmək üçün əla şansımız var. Biz onları yenə öz meydanımızda məyus etməklə hamının cavabını verərik”.