31 iyul 2011 11:54
Dik Advokat Azərbaycanı hesabdan sildi
Rusiya yığmasının baş məşqçisi Dik Advokat dünən keçirilən futbol üzrə DÇ-2014-ün seçmə mərhələsinin püşkatmasını dəyərləndirib. Azerisport.az xəbər verir ki, o, Portuqaliya, İsrail, Şimali İrlandiya, Azərbaycan və Lüksemburqla eyni qrupa düşmələrinə belə reaksiya verib:
“Bizim qrupda birinci yeri tutmağımıza ümid etmək olar. Püşkün nəticəsi bizim üçün həm yaxşı, həm də pis ola bilərdi. Hələlik rəqiblərin çatışmazığından danışmaq çox tezdi. Amma maraqlı qrupumuz var. Əlbəttə, qrupun favoritləri Rusiya və Portuqaliyadı. Amma digər komandaları da hesabdan silmək olmaz. İsrail və Şimali İrlandiya istənilən vaxt sürprizə edə bilər. Hər bir komanda digərini yenə bilər. Amma biz istənilən halda müsbət nəticəyə ümid edirik və DÇ-2014-ün final mərhələsinə çıxmağı düşünürük”.
