1 avqust 2011 13:54
Respublika kubokuna yekun vurulub
Çimərlik futbolu üzrə Respublika kubokunun final mərhələsinə yekun vurulub. Azerisport.az xəbər verir ki, 8 komandanın iştirak etdiyi yarışın final oyununda PSL-i 6:4 hesabı ilə məğlub edən “Okean avtosalon” Respublika kubokunun qalibi olub.
Üçüncü yer uğrunda keçirilən görüşdə “Buffalo” “Azpetrol\Xəzri”ni məğlub edib – 6:5.
Münsiflərin qərarı ilə Cüt Ereş (“Okean avtosalon”) turnirin ən yaxşı qapıçısı, Zeynal Zeynalov (“Buffalo”) isə ən yaxşı oyunçusu seçilib.
Oyunlar başa çatdıqdan sonra qalib komandalara kubok, diplomlar və qiymətli hədiyyələr təqdim edilib.
