1 avqust 2011 17:11
Yığmamız Bakıda Berti Foqtssuz hazırlaşır
Xəbər verdiyimiz kimi, futbol üzrə yığma komandamız Bakıda təlim-məşq toplanışına start verib. Azerisport.az xəbər verir ki, artıq millimiz paytaxtda ilk məşqinə də çıxıb.
Lakin futbolçularımız hazırlıqlara baş məşqçi Berti Foqtsun rəhbərliyi altında başlamayıb. Onun yoxluğunda komandanı ilk məşqə köməkçisi Vəli Qasımov çıxarıb.
Komandamızın axşam məşqini də elə U-19-un baş məşqçisinin rəhbərliyi altında keçirməsi gözlənilir. Çünki Foqts DÇ-2014-ün püşkatmasına yollandığı Braziliyadan hələ qayıtmayıb. Onun yalnız sabah Bakıda olacağı gözlənilir.
Qeyd edək ki, millimizin bu hazırlığı qarşıdakı Makedoniya yığması ilə yoldaşlıq oyununa hesablanıb. Çünki avqustun 10-da bu iki yığma arasında Bakıda sınaq matçı təşkil olunacaq.
