1 avqust 2011 11:15
Brugge Bakıya möhtəşəm darmadağınla gəlir
Belçikanın “Brugge” klubu bu ölkənin futbol üzrə çempionatının yeni mövsümündə ilk oyununa çıxıb. Azerisport.az xəbər verir ki, Brügge şəhərinin eyniadlı təmsilçisi çempionatın açılış turunda möhtəşəm qələbəyə sevinib.
Doğma meydanda “Westerlo” ilə qarşılaşan komanda ilk yarıda qol vura bilməyib. Amma “Brugge” ikinci hissədə coşub. Belə ki, Adri Kosterin yetirmələri 52-ci dəqiqədə avtoqola sevinib. 61-ci dəqiədə Vaskes fərqi artırıb. Bundan 7 dəqiqə sonra isə Ocica hesabı darmadağın həddinə çatdırıb. Amma meydan sahibləri bununla da kifayətlənməyiblər. 81 və 87-ci dəqiqələrdə Meunier və Donk komandasının 5:0 hesablı qələbəsini təmin edib.
Qeyd edək ki, “Brugge” UEFA Avropa Liqasının üçüncü təsnifat mərhələsində “Qarabağ”ın rəqibidi. İlk oyunda 4:1 hesablı qələbə qazanan Belçika klubu avqustun 4-də Bakıda komandamızla cavab görüşünə çıxacaq.
