1 avqust 2011 00:37
Viktor Mendi: Bura gəldiyim üçün qətiyyən peşman deyiləm
“Qəbələ”nin yeni forvardı Viktor Mendi azerisport.az saytına müsahibəsində bölgə klubuna keçidindən və hədəflərindən danışıb.
- Türkiyə “Bucaspor”unu niyə tərk etdiniz?
- Bildiyiniz kimi, keçmiş klubum Superliqanı tərk etdi. Bu üzdən mən də komandayla yollarımı ayırmalı oldum.
- Birinci liqada oynamaq istəmirdiz?
- Mənə Azərbaycan klubundan yaxşı təklif gəldi. Mən bu qərara gəldiyim üçün qətiyyən peşman deyiləm. Burda hər şeydən razıyam. Məni “Qəbələ”də yaxşı şərait və şərtlərlə qarşıladılar.
- Adətən legionerlər Azərbaycanın bölgə klublarında oynamağa asanlıqla razı olmurlar...
- Məndə belə problem yoxdu. Mənə bura çox xoşdu. Digər tərəfdən mən peşəkar futbolçuyam. Ancaq öz oyunum barədə düşünməliyəm. Kənar problemlər haqda düşünmək mənə nəsə verməz.
- Ötən mövsümə hazırlıq gözüylə baxan Toni Adamslı “Qəbələ” üçün bu mövsüm əsl ciddi sınaq olacaq...
- Mənim bundan xəbərim var. Qarşıdakı mövsümün komandam üçün nə qədər əhəmiyyətli olmasını bilirəm. Bunun öhdəsindən gələcək gücdəyik. Komandanın potensialı qarşıya qoyulan vəzifənin öhdəsindən gəlməyə imkan verir.
- Siz artıq “Qəbələ”nin rəqiblərini tanıyırsız?
- Mənə komandamızın rəqibləri barədə müəyyən şeylər danışıblar. Bilirəm ki, çempionatınızın səviyyəsi yaxşıdı və asanlıqla uğur qazanmaq mümkünsüzdü. Ambisiyalı klublar çoxdu və hamısı qarşılarına böyük vəzifələr qoyublar.
- Sizə yəqin onu da deyiblər ki, Premyer Liqada forvardların işi elə də asan olmur. Ən yaxşı bombardirlər də çox qol vura bilmirlər...
- Bəli, bilirəm. Amma bundan qorxmuram. Mənim kifayət qədər təcrübəm var. Özümü göstərəcəyimə, komandama kömək edəcəyimə inanıram. Axı məhz bunun üçün bura gəlmişəm.
- Toni Adams deyib ki, siz yeni mövsümün bombardiri ola bilərsiz...
- Baş məşqçimizin mənə belə inanması çox xoşdu. Bu, həm də çox vacibdi. Həqiqətən mümkündü. Çox qol vurmağa çalışacağam.
- Yoxlama oyunlarında cəmi 1 qol vura bilmisiz. Bu əminlik sizdə hardandı?
- Bunlar dediyiniz kimi, sadəcə yoxlama oyunları idi. Onları hesaba almaq düz deyil. Məsələn, son turnirdə biz axırıncı olduq. Amma bu, o demək deyil ki, biz göründüyü qədər pis oynayırıq. Qarşıda uzun mövsüm var. Orda hər şeyi görərsiz.
- Bunlar dediyiniz kimi, sadəcə yoxlama oyunları idi. Onları hesaba almaq düz deyil. Məsələn, son turnirdə biz axırıncı olduq. Amma bu, o demək deyil ki, biz göründüyü qədər pis oynayırıq. Qarşıda uzun mövsüm var. Orda hər şeyi görərsiz.
