2 avqust 2011 13:20
Neftçi – Qarabağ matçı təxirə salındı
Premyer Liqanın ilk turu çərçivəsində avqustun 7-də "Neftçi" və "Qarabağ" arasında nəzərdə tutulan görüş təxirə salınıb. Azerisport.az xəbər verir ki, Tofiq Bəhramov adına Respublika stadionunda keçirilməli olan qarşılaşma komandaların razılığı əsasında baş tutmayacaq.
Belə ki, Avropa Liqasında mübarizə aparan "Qarabağ" Peşəkar Futbol Liqası və "Neftçi"yə müraciət edərək qarşılaşmanın təxirə salınmasını istəyib. Dünən bu məsələni müzakirə edən "Neftçi" rəhbərliyi qarşı tərəfin müraciətinə müsbət cavab verib. Artıq razılıq məktəbu PFL-ə göndərilib. Bu gün isə PFL prezidenti Ramin Musayev sözügedən qarşılaşmanın başqa vaxta keçirilməsinə dair əmr imzalayıb.
Qeyd edək ki, "Qarabağ" avqustun 4-də "Brugge" ilə qarşılaşacaq.
