2 avqust 2011 16:28
Beşiktaşın yeni çalışdırıcısı müəyyənləşdi
Türkiyə futbolundakı danışılmış oyunlar səbəbiylə istintaqa cəlb olunan və məhkəməsi gedən “Beşiktaş”ın baş məşqçisi Tayfur Havutçunu kimin əvəzləyəcəyi nəhayət ki, bəlli olub. Azerisport.az xəbər verir ki, bu haqda İstanbul klubunun idarə heyətinin bu gün keçirilən iclasında qərar qəbul olunub.
Mərasimdə “qara qartal”ın yeni baş məşqçinin kimliyi məsələsi müzakirə olunub. Müzarkirələrdən sonra Havutçunun yerinə portuqaliyalı mütəxəssis Karlos Karvalhalın gətirildiyi açıqlanıb.
Lakin klub rəhbərliyi Havutçu ilə də yola davam qərarı alıb və onun arxasında durduğunu bir daha isbatlayıb. Yəni Havutçu komandanın sükanı arxasına dönənə kimi “ağ-qaralar”ı məhz bu mütəxəssis çalışdıracaq. Karvalhal isə köməkçi məşqçi kimi gətirilib.
