5 avqust 2011 02:04
Avroliqada üçüncü mərhələ başa çatdı (YENILƏNİB)
UEFA Avropa Liqasında üçüncü təsnifat mərhələsinin cavab oyunları keçirilib. Azerisport.az xəbər verir ki, bununla qitənin nüfuzuna görə Çempionlar Liqasından sonra ikinci ən səviyyəli turniri olan Avroliqada da bütün pley-offçular müəyyənləşib.
Qeyd edək ki, bu turnirin birinci təsnifat mərhələsindən 50 komanda mübarizəyə qoşulmuşdu və onlardan yarısı mübarizəni elə ilk cəhddə dayandırarkən, daha güclü bir o qədər kollektiv üçüncü mərhələyə yüksəlmişdi. İkinci təsnifat mərhələsində isə daha 40 komanda yarışla vidalaşdı. Eyni sayda komanda isə mübarizəni üçüncü təsnifat mərhələsində davam etdirmək hüququna yiyələndi.
Təəssüf ki, birinci mərhələdə mübarizəni dayandıranlar arasında Azərbaycan klublarından AZAL, eləcə də ikinci təsnifat mərhələsində “Xəzər Lənkəran” da vardı. Amma hər iki mərhələni uğurla adlayan “Qarabağ” pley-offa çıxmaq üçün də mübarizə aparırdı. Lakin təəssüf ki, ağdamlılar da mübarizəni məhz üçüncü mərhələdə dayandırmalı oldular. Ağdam klubunun “Brugge” (Belçika) ilə oyunuyla yanaşı bu mərhələdə daha 34 qarşılaşma keçirildi.
Ötən həftə baş tutan ilk oyunlar arasında diqqət çəkən nəticələrdən biri "Xəzər Lənkəran"ı mübarizədən kənarlaşdıran "Maccabi"nin "Zeljeznicar" üzərində səfərdə qələbə qazanmasıydı ki, yəhudilərin pley-offa çıxacağı artıq şübhə doğurmurdu. Gözlənildiyi kimi, "Maccabi" ev oyununda da darmadağına imza ataraq sensasiyaya imkan vermədi. Qardaş ölkə - Türkiyənin təmsilçilərindən AZAL-ın qənimi "Minsk"i mübarizədən kənarlaşdırmış "Gaziantepspor"u isə çətin sınaq gözləyirdi. Evdə gözlənilmədən "Legia"ya uduzan qazianteplilər bu yenilginin əvəzini çıxmaq istəsələr də, bacarmadılar. "Bursaspor" isə ev oyununda qazandığı üstünlüyünü "Gomel"lə səfər görüşündə də qorumağı bacardı.
Keçirilən bütün oyunların siyahısı ilə sizi də tanış edirik. Qeyd edək ki, adları qara hərflərlə göstərilən komandalar növbəti mərhələyə adlayanlardı:
Avropa Liqası
Üçüncü təsnifat mərhələsi
Cavab oyunları
4 avqust
Mlada Boleslav (Çexiya) - AEK (Kipr) - 2:2 (İlk oyun - 0:3)
Varaždin (Xorvatiya) - Dinamo (Rumıniya) - 1:2 (2:2)
Aktobe (Qazaxıstan) - Alania (Rusiya) - 1:1 (penaltilərlə - 2:4) (1:1)
Elfsborg (İsveç) - Aalesunds (Norveç) - 1:1 (0:4)
Qarabağ (AZƏRBAYCAN) - Brugge (Belçika) - 1:0 (1:4)
Stromsgodset (Norveç) - Atletico (İspaniya) - 0:2 (1:2)
Sligo Rovers (İrlandiya) - Vorskla (Ukrayna) - 0:2 (0:0)
Häcken (İsveç) - Nacional (Portuqaliya) - 2:1 (0:3)
Brondby (Danimarka) - Ried (Avstriya) - 4:2 (0:2)
Dinamo (Tbilisi, Gürcüstan) - Reykjavik (İslandiya) - 2:0 (4:1)
Gomel (Belarus) - Bursaspor (Türkiyə) - 1:3 (1:2)
Senica (Slovakiya) - Zalsburg (Avstriya) - 0:3 (0:1)
Gaz Metan (Rumıniya) - Mainz (Almaniya) - 1:1 (penaltilərlə 4:3) (1:1)
Hajduk (Xorvatiya) - Stoke City (İngiltərə) - 0:1 (0:1)
Helsingborg (İsveç) – Bnei Yehuda (İsrail) - 3:0 (0:1)
Legia (Polşa) - Gaziantepspor (Türkiyə) - 0:0 (1:0)
Spartak (Trnava, Slovakiya) - Levski (Bolqarıstan) - 2:1 (penaltilərlə 5:4) (1:2)
Renn (Fransa) - Metallurg (Rustavi, Gürcüstan) - 2:0 (5:2)
Thun (İsveçrə) - Palermo (İtaliya) - 1:1 (2:2)
Lokomotiv (Sofiya, Bolqarıstan) - Slask (Polşa) - 0:0 (penaltilərlə - 3:4) (0:0)
Maccabi (Təl-Əviv, İsrail) - Zeljeznicar (Bosniya və Herseqovina) - 6:0 (2:0)
Den Haag (Hollandiya) - Omonia (Kipr) - 1:0 (0:3)
Vaduz (Lixtenşteyn) - Hapoel (Təl-Əviv, İsrail) - 2:1 (0:4)
Olympiakos (Yunanıstan) - Differdange (Lüksemburq) - 3:0 (3:0)
PAOK (Yunanıstan) - Valerenga (Norveç) - 3:0 (2:0)
Rabotnicki (Makedoniya) - Anorthosis (Kipr) - 1:2 (2:0)
Westerlo (Belçika) - Young Boys (İsveçrə) - 0:2 (1:3)
Crvena Zvezda (Serbiya) - Ventspils (Latviya) - 7:0 (2:1)
Fulham (İngiltərə) - Split (Xorvatiya) - 2:0 (0:0)
Jablonec (Çexiya) - AZ Alkmaar (Hollandiya) - 1:1 (0:2)
Harts (Şotlandiya) - Paksi (Macarıstan) - 4:1 (1:1)
Saint Patrick's (İrlandiya) - Karpatı (Ukrayna) - 1:3 (0:2)
Sarajevo (Bosniya və Herseqovina) - Sparta (Çexiya) - 0:2 (0:5)
Austria (Avstriya) - Olimpija (Sloveniya) - 3:2 (1:1)
Vitoria (Portuqaliya) - Midtjylland (Danimarka) - 2:1 (0:0)
