4 avqust 2011 01:07
Brugge üçün bir çarter reysi azarkeş
Belçikanın “Brugge” klubunun Bakıya azarkeşləri ilə birgə gəldiyini xəbər vermişdik. Azerisport.az xəbər verir ki, komanda səfər oyununda da dəstəksiz qalmamaq üçün əməli işlər görüb.
Belə ki, klub rəsmilərinin də yer aldığı nümayəndə heyəti ilə paytaxtımıza 21 azarkeş, eləcə də 8 jurnalistin gəldiyini xəbər vermişdik. Lakin komandanı “Qarabağ”la sabahkı oyunda dəstəkləyənlərin daha çox olacağı istisna olunmurdu.
Gözlənildiyi kimi də olub. Belə ki, ötən gün Belçikadan ölkəmizə daha bir qrup “Brugge” azarkeşi gəlib. Onlar məhz klub rəhbərliyinin təşkil etdiyi çarter reysi ilə gəliblər. Hansı ki, öncədən də bu haqda məlumat verilmişdi. Əldə etdiyimiz məlumata görə, onların sayı 50-dən çoxdu.
Qeyd edək ki, “Brugge” Avropa Liqasının üçüncü təsnifat mərhələsində “Qarabağ”ın rəqibidi. İlk oyunda 4:1 hesablı qələbəyə sevinən bu komanda ilə Ağdam klubu arasındakı cavab görüşü sabah saat 21:00-da Tofiq Bəhramov adına Respublika stadionuda keçiriləcək.
