4 avqust 2011 15:46
Onlar Bakı səfərinə hazırlaşırlar
Belçika yığmasının baş məşqçisi Jorj Leekens avqustun 10-da keçiriləcək Sloveniya ilə yoldaşlıq oyunu üçün heyəti açıqlayıb. Azerisport.az xəbər verir ki, mütəxəssis 24 futbolçunun xidmətindən yararlanmaq qərarına gəlib.
Onların siyahısı ilə sizi də tanış edirik:
Qapıçılar: Tibo Kertua (Atletico, İspaniya), Jan-Fransua Jillet (Bologna, İtaliya), Cimon Minolye (Sanderlend, İngiltərə);
Müdafiəçilər: Tobi Aldervereld, Yan Vertongen (hər ikisi “Ajax”, Hollandiya), Dedrik Boyata, Vensan Kompani (hər ikisi “Manchester City”, İngiltərə), Nikolas Lombets (Zenit, Rusiya), Sebastyan Pokonyoli, Jel van Damm (Standard), Daniel van Buyten (Bayern, Almaniya), Tomas Vermalen (Arsenal, İngiltərə);
Yarımmüdafiəçilər: Naser Çadli (Twente, Hollandiya),Kevin de Bryun, David Hubert (hər ikisi “Genk”), Maruan Fellaini (Everton, İngiltərə), Dris Mertens (PSV, Hollandiya), Vadis Ocica (Brugge), Timmi Simons (Nurnberg, Almaniya), Aksel Vitsel (Benfica, Portuqaliya);
Hücumçular: İqor de Kamarqo (Borussia, Münhenqladbax, Almaniya), Romelu Lukaku (Anderlecht), Byorn Fleminks (Brugge), Jell Fossen (Genk).
Heyətdən də göründüyü kimi, baş məşqçi Sloveniya ilə qarşılaşmada təkcə təcrübəli futbolçuları yox, həm də yeni oyunçuları sınamağa çalışacaq. Hər halda qapıçı Kurtua, yarımmüdafiəçi Hubert hələ bir dəfə də olsun yığmaya çağırılmayıb. Heyətdə bu gün Bakıda “Qarabağ”a qarşı forma geyəcək iki futbolçu da var. Bunlar “Brugge”nin üzvləri Ocica və Fleminksdi.
Belçika mətbuatının yazdığına görə, Leekens Sloveniya ilə görüşdə yoxladığı futbolçuların əksərini Bakıya gətirəcək. Yəni baş məşqçinin Bakıdakı oyun üçün çağıracağı heyətdə elə də ciddi dəyişikliklər olmayacaq.
Xatırladaq ki, A qrupunda millimizlə birgə yer alan Belçika Brüsseldə keçirilən ilk oyunda 4:1 hesablı qələbə qazanmışdı. Azərbaycanla Belçika arasındakı cavab görüşü isə sentyabrın 2-də Bakıda baş tutacaq.
