5 avqust 2011 15:15
ÇL-in pley-off mərhələsinin püşkü atıldı (YENİLƏNİB)
Bu gün İsveçrənin Nyon şəhərində UEFA Çempionlar Liqasının pley-off mərhələsinin püşkatma mərasimi keçirilib. Azerisport.az xəbər verir ki, püşkatma Bakı vaxtı ilə saat 15:00-da start götürüb.
Bu püşkatmada təəssüf ki, artıq Azərbaycan təmsilçisi yox idi. Çünki ölkə çempionu “Neftçi” elə ilk cəhdindəcə Xorvatiya çempionu “Dinamo”ya (Zaqreb) uduzaraq, mübarizəni erkən dayandırmışdı. Finlandiya təmsilçisi HJK-nı da mübarizədən kənarlaşdırmış xorvatlar isə qrup mərhələsinin bir addımlığında növbəti rəqiblərini tanıdılar.
Qeyd edək ki, ÇL-in qrup mərhələsində iddialılar arasında üçüncü təsnifat mərhələsini qalib kimi başa vuran çempionlarla - “Copenhagen” (Danimarka), BATE (Belarus), “Maccabi” (Hayfa, İsrail), “Dinamo” (Zaqreb, Xorvatiya), APOEL (Kipr), “Wisla” (Polşa), “Sturm Graz” (Avstriya), “Genk” (Belçika), “Viktoria” (Çexiya) və “Malmö” (İsveç) - yanaşı, gümüş medal qazanmış “Twente” (Hollandiya), “Rubin” (Rusiya), “Udinese” (İtaliya), “Zürich” (İsveçrə) və “Odense” (Danimarka) iddialıdı. Bu klublarla yanaşı “Böyük beşlik” ölkələrinin məhz pley-off mərhələsindən mübarizəyə qoşulmalı olan komandaları da mübarizəyə başlayacaq. Onların siyahısı isə belədi: “Bayern” (Munhen, Almaniya), “Arsenal” (İngiltərə), “Olympique” (Lion, Fransa), “Benfica” (Portuqaliya), “Villarreal” (İspaniya).
Artıq bu 20 klubun pley-off mərhələsinin püşkatmasında hansı səbətlərdə yer alacağı da öncədən bəlliydi. Klublar aşağıda göstərildiyi kimi qruplaşdırılmışdı.
UEFA Çempionlar Liqası
Pley-off mərhələsi
Çempionlar:
Səpələnmişlər
Copenhagen (Danimarka), BATE (Belarus), Maccabi (Hayfa, İsrail), Dinamo (Zaqreb, Xorvatiya), APOEL (Kipr).
Səpələnməmişlər
Wisla (Polşa), Sturm Graz (Avstriya), Genk (Belçika), Viktoria (Çexiya), Malmö (İsveç)
Qeyri-çempionlar:
Səpələnmişlər
Bayern (Munhen, Almaniya), Arsenal (İngiltərə), Olympique (Lion, Fransa), Benfica (Portuqaliya), Villarreal (İspaniya).
Səpələnməmişlər
Twente (Hollandiya), Rubin (Rusiya), Udinese (İtaliya), Zürich (İsveçrə), Odense (Danimarka).
Beləliklə, püşkatma nəticəsində pley-off cütləri aşağıdakı kimi formalaşıb:
Wisla (Polşa) - APOEL (Kipr)
Maccabi (Hayfa, İsrail) - Genk (Belçika)
Dinamo (Zaqreb, Xorvatiya) - Malmö (İsveç)
Copenhagen (Danimarka) - Viktoria (Çexiya)
BATE (Belarus) - Sturm Graz (Avstriya)
Odense (Danimarka) - Villarreal (İspaniya)
Twente (Hollandiya) - Benfica (Portuqaliya)
Arsenal (İngiltərə) - Udinese (İtaliya)
Bayern (Munhen, Almaniya) - Zürich (İsveçrə)
Olympique (Lion, Fransa) - Rubin (Rusiya)
Qeyd edək ki, ÇL-in pley-off mərhələsinin ilk oyunları avqustun 16-17-də, cavab görüşləri isə 23-24-də baş tutacaq. Qaliblər birbaşa ÇL-in qrup mərhələsinə vəsiqə əldə edəcək. Məğlub komandalar isə Avropa Liqasının qrup mərhələsində mübarizə aparmaq hüququ qazanacaqlar.
