6 avqust 2011 14:18
Qəbələ - Bakı duellərində 17-ci pərdə
"Bakı" sayca 20-ci – yubilyev Azərbaycan çempionatının start turunda səfərdə "Qəbələ" ilə qarşılaşacaq. Azerisport.az xəbər verir ki, oyun 7 avqust 2011-ci il tarixdə Qəbələ şəhər stadionunda baş tutacaq.
Rəqiblər bu günə qədər 16 dəfə qarşı-qarşıya gəliblər. Bu oyunlardan dördü kubok, on ikisi isə çempionat oyunlarına təsadüf edir. "Bakı"nın bu oyunlarda böyük üstünlüyü diqqət çəkir. Belə ki, paxtaxt klubu "Qəbələ"yə qarşı keçirdiyi oyunların 11-də meydanı qalibiyyətlə tərk edib.
Maraqlıdı ki, "Bakı" qalib gəldiyi oyunların yalnız birində qapısında qol görüb (2:1). Komandaların qarşılaşmalarında ən populyar hesab 1:0-dı. 6 oyun bu nəticə ilə başa çatıb.
Rəqiblərin ilk görüşləri 2006-2007-cı il mövsümündə baş tutub. Hər iki oyun paytaxt təmsilçisinin qələbəsi ilə yekunlaşıb - 1:0 və 1:0.
Həmin mövsümdə kubok yarışları da komandaları qarşı-qarşıya gətirib. Yenə də "Bakı" üstün olub: 2:0 və 1:0.
2007-2008-ci il mövsümündə "Qəbələ" revanş götürməyə nail olub. Bu eyni zamanda öz meydanında "Bakı"ya 2:0 hesabı ilə qalib gələn Qəbələ klubunun yeganə qalibiyyətidir. Mövsümün ikinci dövrə oyununda "Bakı" bu məğlubiyyətin əvəzini artıqlaması ilə çıxıb - 3:0.
2008-2009-cu il sezonunda komandalar kubok yarışlarının 1/4 final mərhələsində üz-üzə gəliblər. Hər iki oyun 1:1 hesabı ilə başa çatıb, 11 metrlik cərimə zərbələri ilə qalib gələn "Qəbələ" trofey uğrunda mübarizəni davam etdirib.
Həmin mövsümün hər iki oyunu da "Bakı"nın uğurları ilə yadda qalıb. "Bakı" evdə 3:0, səfərdə isə 1:0 hesabı ilə qalib gəlib.
2010-11-ci illər mövsümündə komandalar 4 dəfə qarşı-qarşıya gəliblər. Çempionatın ilkin mərhələsində "Bakı" həm ev, həm də səfər oyununu 2:0 hesablı qələbə ilə başa vurub. Pley-of mərhələsində isə üstünlük "Qəbələ"nin tərəfində olub. Bakıda 1:1 hesablı sülh qeydə alınıb, Qəbələdə oynanılan cavab qarşılaşması isə meydan sahiblərinin 1:0 hesablı qalibiyyəti ilə tarixə düşüb.
Son mövsümə gəkdidə isə evdə qələbə qazanan “Bakı” (2:0), səfər oyununu da qalibiyyətlə başa vurub (1:0).
Beləliklə, indiyədək keçirilən 16 qarşılaşmanın 11-də "Bakı", 2-də isə "Qəbələ" qalib gəlib, 3 oyun heç-heçə tamamlanıb.
Vurulan və buraxılan topların fərqi "Bakı"nın xeyrinədi: 22:7
Rəqiblərin bütün oyunları:
ç 29.10.2006 Qəbələ 0:1 Bakı
k 21.11.2006 Bakı 2:0 Qəbələ
k 02.12.2006 Bakı 1:0 Qəbələ
ç 18.04.2007 Qəbələ 0:1 Bakı
ç 19.08.2007 Qəbələ 2:0 Bakı
ç 24.02.2008 Bakı 3:0 Qəbələ
k 06.03.2008 Bakı 1:1 Qəbələ
k 20.03.2008 Qəbələ (p 5:4 ) 1:1 Bakı
ç 09.11.2008 Bakı 3:0 Qəbələ
ç 26.04.2009 Qəbələ 0:1 Bakı
ç 31.10.2009 Qəbələ 0:2 Bakı
ç 13.02.2010 Bakı 2:0 Qəbələ
ç 28.03.2010 Bakı 1:1 Qəbələ
ç 01.05.2010 Qəbələ 1:0 Bakı
ç 22.08.2010 Bakı 2:1 Qəbələ
ç 23.12.2010 Qəbələ 0:1 Bakı
(“Bakı”nın rəsmi saytı)
