6 avqust 2011 19:11
İtaliya Superkubokunun yeni sahibi müəyyənləşdi
İtaliya Superkubokunun yeni sahibi müəyyənləşib. Azerisport.az xəbər verir ki, həlledici oyunda A Seriyasının son çempionu “Milan”la İtaliya Kubokunun sahibi “Inter” qarşılaşıb.
Çinin paytaxtı Pekində keçirilən bu qarşılaşmada “Milan” 2:1 hesablı əzmkar qələbəyə sevinib. Hesabı 22-ci dəqiqədə Uesli Sneyder açıb. Lakin 60-cı dəqiqədə Zlatan İbrahimoviç hesabı bərabərləşdirib. Bundan 9 dəqiqə sonra Prins Boatenq matçda son nöqtəni qoyub – 2:1.
Beləliklə, İtaliya Superkubokunda 1988, 1992, 1993, 1994 və 2004-cü illərdə qalib olmuş “Milan” 7 illik fasilədən sonra yenidən bu titula sahib çıxıb.
“Milan”: Christian Abbiati, Alessandro Nesta, Gianluca Zambrotta, Thiago Silva, Mark van Bommel, Gennaro Gattuso, Clarence Seedorf, Ignazio Abate, Kevin Prince Boateng, Zlatan Ibrahimovic, Robinho
“Inter”: Julio Cesar, Javier Zanetti, Andrea Ranocchia, Walter Samuel, Cristian Chivu, Dejan Stankovic, Thiago Motta, Wesley Sneijder, Ricardo Alvarez, Joel Obi, Samuel Eto'o
