6 avqust 2011 11:56
Bakı Qəbələyə 2 itki ilə yola düşdü
“Bakı” sayca 20-ci Azərbaycan çempionatının açılış turuna təsadüf edən“ Qəbələ” ilə oyunöncəsi Bakıda son məşqini keçib. Azerisport.az xəbər verir ki, Tofiq Bəhrəmov adına Respublika stadionunda baş tutan məşq fiziki təmrinlərlə başlayıb.
Topla hərəkətlərlə davam edən məşq qapıya zərbələrlə yekunlaşıb. Komandanın bütün üzvlərini iştirak etdiyi məşqdə Stevan Bates və Əziz Quliyev komandadan ayrı həkim nəzarətində hazırlıq keçiblər. Stevan Bates əzələsi dartındığından , Əziz Quliyev əməliyyatdan sonrakı bərpa prosesi davam etdiyindən komandadan ayrı çalışmalı olub.
Adıçəkilən futbolçuların “Qəbələ” ilə keçiriləcək səfər oyununda iştirakı gözlənilmir. Qeyd edək ki, bu gün səhər 10:00-da Qəbələyə yola düşəcək “Bakı” oyunöncəsi son məşqinə saat 18:00-da oyunun keçiriləcəyi Qəbələ şəhər stadionunda çıxacaq.
