7 avqust 2011 15:11
Elxan Abdullayev AZAL-ın hədəflərini açıqladı
AZAL-ın baş məşqçisi Elxan Abdullayev azerisport.az saytına müsahibəsində komandasının yeni mövsümə hazırlığından, eləcə də ilk turda qarşılaşacaqları bu günkü “Simurq”la oyundan danışıb.
- AZAL Türkiyə toplanışından yenicə dönüb. Yekundan nə dərəcədə razısız?
- Toplanış yaxşı keçdi. Məşq etmək üçün hər cür imkan var idi. Biz həmçinin bir neçə yoldaşlıq oyunları keçirdik. Rəqiblərimiz də pis deyildilər. Bu oyunlar futbolçuları daha yaxından tanımağıma şərait yaratdı. Axı mən baş məşçqçi postuna yenicə gəlmişəm. Bütövlükdə, razıyam.
- Toplanış yaxşı keçdi. Məşq etmək üçün hər cür imkan var idi. Biz həmçinin bir neçə yoldaşlıq oyunları keçirdik. Rəqiblərimiz də pis deyildilər. Bu oyunlar futbolçuları daha yaxından tanımağıma şərait yaratdı. Axı mən baş məşçqçi postuna yenicə gəlmişəm. Bütövlükdə, razıyam.
- AZAL-ın avrokuboklardan uzaqlaşmasından sonra komandada sadəcə baş məşqçi dəyişikliyi oldu. Heyətdə isə heç bir dəyişiklik olmadı...
- Əlbəttə, biz Türkiyə toplanışı vaxtı yeni futbolçuları da sınayırdıq. Bəziləri xoşumuza gəlmədi. Amma bəyəndiklərimiz də var idi. Hazırda bir neçə oyunçunu komandaya cəlb etmək haqda düşünürükş Amma hələlik onların adlarını açıqlamaq istəmirəm. Çünki onlarla müqavilə bağlamamışıq.
- Avrokuboklarda AZAL-ın ən zəif cəhəti kimi hücum xətti diqqət çəkirdi...
- Biz elə məhz hücum xəttinə futbolçu almaq üçün çalışırıq. Amma bütövlükdə, müdafiə xəttinə də yeni oyunçu alınmalıdı.
- Çempionatın startına hazırsız?
- Fikrimcə, hə, hazırıq. Əlbəttə, tam yox. Bəzi çatışmazlıqlarımız var ki, onların üzərində çalışırıq. Amma bütövlükdə çempionata hazırıq.
- Fikrimcə, hə, hazırıq. Əlbəttə, tam yox. Bəzi çatışmazlıqlarımız var ki, onların üzərində çalışırıq. Amma bütövlükdə çempionata hazırıq.
- Qarşıda sizi “Simurq”la oyun gözləyir. Onların baş məşqçisi Sergey Yuran da sizin kimi, debüt matçına çıxacaq...
- Matçdan ancaq qələbə gözləyirəm. Bnuu, bizim statusumuz da zəruri edir. Qələbə qazanmağa sadəcə borcluyuq. Bu mənada birinci oyunda qələbə qazanmaq çox vacibdi. Buna görə də qələbə qazanmalıyıq. Ola bilər ki, kimlərsə bu oyunu sadəcə iki yeni baş məşqçinin dueli kimi dəyərləndirir. Amma bir qədər obyektiv olmaq lazımdı. Yuranın komandası demək olar ki, yeni yaranıb. Bizdə isə heyət hələ mən gəlməmişdən formalaşıb. Yəni ona daha çətin olacaq, nəinki mənə. Şadam ki, “Simurq” yenidən elitada oynayacaq. Amma bizim onları məğlub etməkdən başqa çıxış yolumuz yoxdu. Onları qiymətləndirsək də, məqsədimiz də bəllidi.
- Klub rəhbərliyi qarşınıza hansı məqsədi qoyub?
- Qarşımıza ən yüksək hədəflər qoyulub. Mükafatçılar sırasına düşməli və avrokuboklara vəsiqə qazanmalıyıq.
