7 avqust 2011 11:31
Toni Adams: Bizim vəzifəmiz Neftçi və XL səviyyəsinə çatmaqdı
“Qəbələ”nin baş məşqçisi Toni Adams Premyer Liqanın yeni mövsümünün “Bakı” ilə keçiriləcək ilk oyunu öncəsi azerisport.az saytının suallarını cavablandırıb.
- London toplanışı komandaya nə qazandırdı?
- Ötən mövsümlə müqayisədə biz bu dəfə mümkün qədər çox yoldaşlıq oyunu keçirmək istəyirdik. Bizə beş sınaq matçına çıxmaq nəsib oldu. Bu oyunlarda yetirmələrimi iş başında görmək imkanı qazandım. Demək olar ki, bütün oyunçular yeni mövsümə hazırdılar. Düzdü, Aleksandr Çertoqanovla Murad Hüseynovun yüngül zədələri var. Amma bütövlükdə onlar da hazırdılar. London toplanışı futbolçular üçün əla fiziki test oldu. Onlar orda həm də yaxşıca gəzə bildilər.
- Ötən mövsümlə müqayisədə biz bu dəfə mümkün qədər çox yoldaşlıq oyunu keçirmək istəyirdik. Bizə beş sınaq matçına çıxmaq nəsib oldu. Bu oyunlarda yetirmələrimi iş başında görmək imkanı qazandım. Demək olar ki, bütün oyunçular yeni mövsümə hazırdılar. Düzdü, Aleksandr Çertoqanovla Murad Hüseynovun yüngül zədələri var. Amma bütövlükdə onlar da hazırdılar. London toplanışı futbolçular üçün əla fiziki test oldu. Onlar orda həm də yaxşıca gəzə bildilər.
- Qrem Smitlə Leonardo Limanın transferinin alınmamasına nə səbəb oldu?
- Lima bir futbolçu kimi məni qane etmədi. Smitə gəlincə, o, həqiqətən yaxşı təsir bağışlayırdı. Amma bizim onsuz da üç qapıçımız var – Pavel Doroşev, Anar Nəzirov, Elnar Kərimov. Daha bir qapıçı almağa ehtiyac duymadıq.
- Lima bir futbolçu kimi məni qane etmədi. Smitə gəlincə, o, həqiqətən yaxşı təsir bağışlayırdı. Amma bizim onsuz da üç qapıçımız var – Pavel Doroşev, Anar Nəzirov, Elnar Kərimov. Daha bir qapıçı almağa ehtiyac duymadıq.
- Yeni mövsümün “Qəbələ” üçün nə dərəcədə önəmli olduğu artıq hamıya aydındı. Bəs qorxmursuz ki, rəhbərliyin ümidlərini doğrultmaya bilərsiz?
- Bu, futboldu. Ola bilər ki, hər şey bizim istədiyimiz kimi getməsin. Mənim qarşıma medalçılar sırasına düşmək, komandanı avrokuboklara çıxarmaq vəzifəsi qoyulub. Bu, baş məşqçi kimi vəzifəmdi. Amma texniki direktor kimi mən həm də komandanın səviyyəsini qaldırmalıyam. Bunun üçün də infrastruktura ciddi fikir veririk. Müasir meydançalar, yeni oyunçuların yetişdirilməsi və s. “Qəbələ” Futbol Akademiyası hərtərəfli işlər aparır.
- Qazonun dəyişdirilməsi yetirmələrinizin çıxışına təsir etməyəcək ki? Axı həm də digər stadionlardakı durum tam fərqlidi...
- Bu, müəyyən çətinliklər yada bilər. Zədələr mümkündü. Əvəzində digər klublar bizdə yaxşı şərait görəcəklər. Hər şeyin yaxşı tərəfini düşünmək lazımdı.
- Rəqib komandaların yeni mövsümə hazırlığı ilə maraqlanmısız?
- Bizim rəqibləri öyrənmək üçün xüsusi departamentimiz var. Mən onların işinə tam güvənirəm. Bilirəm ki, “Bakı” güclənib, Uinston Parks kimi hücumçunu alıb. Onlar çempion olmaq istəyirlər. Ona görə də belə futbolçular alırlar. Bizim siyasətimiz isə bir qədər fərqlənir. “Qəbələ” gənc komandadı. Bizim vəzifəmiz “Neftçi” və “Xəzər Lənkəran” səviyyəsinə çatmaqdı. Ondan sonra isə onları keçmək haqda düşünərik.
- Bizim rəqibləri öyrənmək üçün xüsusi departamentimiz var. Mən onların işinə tam güvənirəm. Bilirəm ki, “Bakı” güclənib, Uinston Parks kimi hücumçunu alıb. Onlar çempion olmaq istəyirlər. Ona görə də belə futbolçular alırlar. Bizim siyasətimiz isə bir qədər fərqlənir. “Qəbələ” gənc komandadı. Bizim vəzifəmiz “Neftçi” və “Xəzər Lənkəran” səviyyəsinə çatmaqdı. Ondan sonra isə onları keçmək haqda düşünərik.
