8 avqust 2011 14:21
Junivan Suares Simurqu aldadıb
“Kəpəz”in hücumçusu Junivan Suares “Simurq” klubunun rəhbərliyini aldadıb. Bu haqda azerisport.az saytına müsahibəsində Zaqatala klubunun icraçı direktoru Vaqif Əliyev məlumat verib.
Onun sözlərinə görə, 2 gün öncə Suaresin “Simurq”a keçidi ilə bağlı razılığa gəliblər: “Simurq” Junivanın keçidi üçün hər cür şəraiti yaratmışdı. Biz son görüşümüzdə müqavilə bağlamaq istəyirdik. Amma o, bizdən gözləməyi xahiş etdi. Ardından isə biz onu “Kəpəz”in iştirak ərizəsində gördük. Bu, bizim təəccübümüzə və hiddətimizə səbəb oldu”.
Qeyd edək ki, Junivan Suares Premeyr Liqanın ilk turunda nəinki “Kəpəz”in “Rəvan”la oyununda iştirak etdi, hətta qol da vurdu. Halbuki, o, son iki həftədə “Simurq”la hazırlıq keçmiş, hətta “Kəpəz”lə yoldaşlıq oyununda gəncəlilərin qapısına qol vurmuşdu.
