8 avqust 2011 18:06
Qarabağ ciddi problem ilə üzləşdi
“Qarabağ” hazırlıqlarını davam etdirir. Azerisport.az xəbər verir ki, Premyer Liqanın yeni mövsümündə “İnter”lə oyunla debüt edəcək komanda hazırlıqlarını Suraxanı stadionunda həyata keçirir.
Amma ağdamlılar heç də tam heyətlə çalışa bilmirlər. Belə ki, əsas milliyə yollanan Rəşad Sadıqov, Əfran İsmayılov və Rauf Əliyevlə yanaşı Admir Teli və Ansi Aqolli Albaniya millisinin düşərgəsinə qoşulub. Vüqar Nadirov və Rəşad Sadiqov zədə səbəbindən komandadan ayrı düşüb.
Vüqarın zədəsi öncədən məlum idisə, kapitan “Brugge” ilə oyunda ayaq bağlarından zədə alıb. Rəşadın 3 gün sonra məşqlərə başlaması gözlənilir. Nderim Nedzipi isə atasının səhhətiylə bağlı yaranmış problemlə əlaqədar olaraq vətəninə yollanıb.
