9 avqust 2011 23:02
“Qələbəni Azərbaycan xalqına həsr edirik”
Bu gün Tallin şəhərində 21 yaşadək futbolçulardan ibarət Estoniya və Azərbaycan yığmaları arasında keçirilmiş yoldaşlıq oyunundan sonra hər iki komandanın baş məşqçisi matçla bağlı fikirlərini bildirib. Azerisport.az həmin fikirlərlə sizi də tanış edir:
Frank Bernard (Estoniya U-21 yığmasının baş məşqçisi): “Birinci hissədə yaxşı oynadıq. 2 və ya 3 dəfə fərqlənə bilərdik. Ancaq şanslarımızdan yararlana bilmədik. Rəqibimiz isə, əksinə, yaratdığı epizodları qola çevirdi. Beynəlxalq oyunlarda yalnız birinci hissədə yaxşı oynamaq kifayət etmir. Azərbaycan yığmasını layiqli qələbə münasibətilə təbrik edirəm”.
Bernard Lippert (Azərbaycan U-21 yığmasının baş məşqçisi): “Oyunun əvvəlində yersiz qayda pozuntuları ilə rəqibə əlavə üstünlük verdik. Bununla belə, oyunumuzda müsbət çalarlar da vardı. Fasilədən sonra rəqib təzyiqi artırsa da, lazımi anlarda qol vurmağı bacardıq. Qələbəni Azərbaycan xalqına həsr edirik”.
