10 avqust 2011 15:32
“Danışılmış oyunları bacarsaydıq, Azərbaycan matçını alardıq”
Türkiyə milli komandasının baş məşqçisi Qus Hiddink Estoniya yığması ilə avqustun 10-da keçirəcəkləri yoldaşlıq görüşü öncəsi ölkə futbolundakı danışılmış oyunlarla bağlı yenidən şok açıqlama verib. Azerisport.az xəbər verir ki, jurnalistlər ondan Hollandiya mətbuatına dediyi “Türkiyə yığması danışılmış oyuna çıxsa, vəzifəmdən gedərəm” sözlərinə şərh verməsini istəyiblər.
Bu zaman Hiddink zarafatca deyib: “Əgər bu işlər danışılmış oyunla müəyyənləşdirilsəydi, belə bir işi bacarsaydıq, Azərbaycan matçını satın alardıq. Mən Hollandiya mətbuatına açıqlamamda Türkiyə Futbol Federasiyasının belə bir işlə məşğul olmadığını söyləmişəm”.
Qeyd edək ki, Qus Hiddinkin bəhs etdiyi Azərbaycan və Türkiyə arasında oyun 2010-cu il oktyabrın 12-də Bakıda keçirilib. Həmin qarşılaşma millimizin qələbəsi ilə yekunlaşıb – 1:0.
