10 avqust 2011 00:22
Galatasaray Arda Turanı Atleticoya satır
Türkiyənin "Galatasaray" klubunun kapitanı Arda Turan yeni mövsümdə İspaniya "Atletico"sunun formasını geyinəcək. Azerisport.az xəbər verir ki, bu barədə Türkiyə mətbuatı yazıb.
Məlumata görə, Türkiyə yığmasının ulduzu Madrid təmsilçisi ilə ilkin anlaşma əldə edib. Arda “Atletico” ilə 5 illik müqavilə imzalayacaq. İspanlar bu transferə görə, "Galatasaray"a 12 milyon avro ödəyəcək. Futbolçu özü isə ildə 2.5 milyon avro maaş alacaq.
Artıq “Galatasaray” da Arda Turanla bağlı açıqlama yayıb. Klubun rəsmi saytının yaydığı qısa açıqlamada bu sözlər qeyd olunub: “Peşəkar futbolçumuz Arda Turanın “Atletico”ya transferi ilə bağlı rəsmi danışıqlar başlayıb. Danışıqların gedişi ilə bağlı ictimaiyyətə açıqlama veriləcək”.
