11 avqust 2011 13:38
Elnur Allahverdiyev: Qonaqların özlərini belə aparması mənə xoş deyil
Azərbaycan yığmasının müdafiəçisi Elnur Allahverdiyev azerisport.az saytına müsahibəsində dünənki Makedoniya ilə yoldaşlıq matçından (0:1) danışıb.
- Məncə, biz bu görüşdə çox yaxşı oynadıq. Rəqib heç ciddi qol vəziyyətləri yarada bilmirdi. Vurduqları qolu da adi vəziyyətdə, bizim səhvimizdən vurdular. Həmin epizodu qol vəziyyəti adlandırmaq istəmirsən. Biz sadəcə bu qolu rəqibə hədiyyə etdik.
- Sizə elə gəlmir ki, Azərbaycan yığması artıq məğlubiyyətlərə alışıb?
- Nə etmək olar? Səhvlərdən heç kim sığortalanmayıb. Səhv edirik, cəzasını da çəkirik. Bu qarşılaşmada biz qələbə qazanmalıydıq. Bunun üçün qol vəziyyətlərimiz də kifayət qədər oldu. Sən vurmayanda da futbolun köhnə qaydası işə düşür – sənə vururlar.
- Nə etmək olar? Səhvlərdən heç kim sığortalanmayıb. Səhv edirik, cəzasını da çəkirik. Bu qarşılaşmada biz qələbə qazanmalıydıq. Bunun üçün qol vəziyyətlərimiz də kifayət qədər oldu. Sən vurmayanda da futbolun köhnə qaydası işə düşür – sənə vururlar.
- Birinci hissədə daha yaxşı oynayıb, fasilədən sonra zəif oynamağın səbəb nədədi?
- Həqiqətən birinci hissədə çox yaxşı oynadıq. Oyunumuzdun tempi də yüksək idi. Deməzdim ki, fasilədən sonra komanda pis çıxış etməyə başladı. Əgər birinci hissədəki tempi saxlaya bilsəydik, qələbəni məhz biz bayram edəcəkdik. Fikrimcə, oyunun nəticəsi meydanda cərəyan edənləri əks etdirmir.
- Həqiqətən birinci hissədə çox yaxşı oynadıq. Oyunumuzdun tempi də yüksək idi. Deməzdim ki, fasilədən sonra komanda pis çıxış etməyə başladı. Əgər birinci hissədəki tempi saxlaya bilsəydik, qələbəni məhz biz bayram edəcəkdik. Fikrimcə, oyunun nəticəsi meydanda cərəyan edənləri əks etdirmir.
- İki komandanın üzvləri arasındakı mübahisəyə nə səbəb oldu?
- Makedoniyalı futbolçu komanda yoldaşımıza qarşı düzgün hərəkət etmədi. Artıq-əskik sözlər işlətdi. Qonaqların özlərini belə aparması mənə xoş deyil. Bundan bərk hirsləndim və onun dərsini vermək istədim.
- Qarşıdan gələn Belçika və Qazaxıstanla oyunlarda nəyə ümid edə bilərik?
- Fikrimcə, həmin komandalarla oyunlarda nəticə qazana biləcəyik. Mən buna əminəm.
- Lənkəranda qazaxlarla oyundan sonra da deyə bilərsiz ki, rəqibdən daha yaxşı oynasaz da, nəticə ədalətli deyil...
- Xeyr. Ümid edirəm ki, belə olmayacaq. Öz meydanımızda Qazaxıstana uduzmaq istəmirik. Hər halda səhvlərimiz üzərində işləyirik. Bu görüşdə yol verdiyimiz səhvləri Belçika və Qazaxıstanla görüşdə təkrarlamamalıyıq.
