11 avqust 2011 14:16
UEFA Yunanıstan klubunu Avroliqdan qovdu
UEFA Yunanıstanın “Olimpiakos” klubunu cəzalandırıb. Azerisport.az xəbər verir ki, qitə futbol qurumu bu komandanı danışılmış oyunlara əl atdığı üçün Avropa Liqasından kənarlaşdırmaqla yanaşı 5 il UEFA bayrağı altında iştirakdan məhrum edib.
Qeyd edək ki, bir müddət öncə Yunanıstan Futbol Federasiyası danışılmış oyunlarla bağlı qalmaqalı araşdıraraq “Olimpiakos” və “Kavala” klublarının günahkar olduğunu təsdiqləmiş və onları aşağı liqaya göndərmişdi. Lakin sonra futbol qurumu bu qərarında dəyişiklik edərək hər iki klubu elitaya qaytarmışdı.
Ancaq UEFA bu olaylara daha sərt reaksiya göstərib. Qitə futbol qurumu Avropa Liqasında çıxış edən “Olimpiakos” u 5 il müddətinə avrokuboklarda iştirakdan məhrum edib.
