12 avqust 2011 00:31
UEFA Olimpiakosa əvəzləyici tapdı
UEFA danışılmış oyunlarla əlaqədar 5 illik qitə miqyaslı yarışlardan kənarlaşdırdığı Yunanıstanın “Olimpiakos” klubuna əvəzləyici tapıb. Azerisport.az xəbər verir ki, Volos klubunu Avropa Liqasının cari mövsümündə Lüksemburq “Differdange”ı əvəzləyib.
Qeyd edək ki, “Differdange”la “Olimpiakos” Avroliqanın üçüncü təsnifat mərhələsində qarşılaşmışdılar. Lakin həm evdə, həm də səfərdə 3:0 hesabıyla qalib gələn yunanlar mərhələ adlayan tərəf olmuşdular. Amma UEFA-nın məlum qərarı onların pley-offda oynamasına imkan vermədi.
Yekun qərara əsasən iki oyunun cəminə görə 0:6 hesabı ilə uduzub mübarizəni dayandırmasına rəğmən “Differdange” pley-offda oynamaq şansı qazanıb. Onların bu mərhələdəki rəqibi isə Fransanın PSG klubu olacaq. Sözügedən komandalar Avroliqanın qrup mərhələsinə vəsiqə uğrunda avqustun 18 və 25-də üz-üzə gələcəklər.
