12 avqust 2011 00:23
Adrian Mutu ömürlük cəzalandırıldı
Rumıniya Futbol Federasiyası bu ölkə millisinin aparıcı futbolçuları Adrian Mutu və Qabriel Taması ömürlük cəzalandırıb. Azerisport.az xəbər verir ki, hər iki ulduz oyunçu bundan sonra ölkəsinin əsas komandasında forma geyə bilməyəcək.
Buna səbəb sözügedən futbolçuların Rumıniyanın bu günlərdə keçirdiyi San Marinoyla hazırlıq matçından öncəki gecə içki içməsi olub. Bu haqda məlumatı Rumıniya yığmasının baş məşqçisi Viktor Pitsurka yayıb: "İki oyunçu milli komandadan ömürlük uzaqlaşdırıldı. Çox təəssüf ki, belə oldu. Amma qaydalar bəllidi. Onların da bunu bilmələri lazım idi”.
Qeyd edək ki, Mutu onsuz da dopinq və müxtəlif qalmaqalları ilə daim gündəmdə olan futbolçu idi. Qabriel Tamas isə yəqin ki, Türkiyənin “Galatasaray” klubundan futbolsevərlərimizə yaxşı tanışdı.
