11 avqust 2011 00:18
Bakının futbolçusu Ermənistana qol vurdu
“Bakı”nın futbolçusu Deyvidas Çesnauski Litva yığmasında növbəti matçını keçirib. Azerisport.az xəbər verir ki, o, ölkəsinin yığma komandasının Ermənistanla sınaq qarşılaşmasında forma geyinib.
Doğma meydanda baş tutan qarşılaşma həm Çesnauskinin komandası, həm də onun özü üçün uğurlu alınıb. Belə ki, artıq 9-cu dəqiqədə Klimaviçyus ermənilərin qapısına yol tapıb. 74-cü dəqiqədə isə “zolaqlılar”ın bu yay sıralarına qatdığı Çesnauski erməniləri cəzalandırıb. Matçda son nöqtəni isə 77-ci dəqiqədə Benyusis qoyub.
