13 avqust 2011 13:33
Qurban Qurbanov: Qarabağ çempionata yaxşı hazırlaşa bilməyib
“Qarabağ”ın baş məşqçisi Qurban Qurbanov Premyer Liqanın 2-ci turunun “İnter”lə oyunu öncəsi azerisport.az saytının suallarını cavablandırıb:
- “İnter”lə oyuna necə hazırlaşa bilmisiz?
- Hazırlıqlar normal gedir. Amma demək olmaz ki, hər şey əladı. Rəşad Sadiqovla yanaşı Maksim Medvedevin də zədəsi var. O da 15 günlük sıradan çıxıb. İlqar Qurbanov da “İnter”ə qarşı oynamayacaq. Milliyə çağırılan oyunçularımız da komandayla məşqlərə cümə günündən başlayıblar.
- “İnter”lə oyuna necə hazırlaşa bilmisiz?
- Hazırlıqlar normal gedir. Amma demək olmaz ki, hər şey əladı. Rəşad Sadiqovla yanaşı Maksim Medvedevin də zədəsi var. O da 15 günlük sıradan çıxıb. İlqar Qurbanov da “İnter”ə qarşı oynamayacaq. Milliyə çağırılan oyunçularımız da komandayla məşqlərə cümə günündən başlayıblar.
- Belə olan halda, heyətlə bağlı problemlərinizin olması mümkündümü?
- Meydana optimal heyətlə çıxmağımız çətin olacaq. Bəzilərinə istirahət vermək lazımdı. Hər halda hər şeyə oyun günü aydınlıq gələcək.
- Meydana optimal heyətlə çıxmağımız çətin olacaq. Bəzilərinə istirahət vermək lazımdı. Hər halda hər şeyə oyun günü aydınlıq gələcək.
- “İnter”də belə hesab edirlər ki, “Qarabağ” onlar üçün münasib rəqib deyil...
- Bizə də “İnter”ə qarşı oynamaq həmişə çətin olub. Çox güclü komandadı. Formalaşmış heyətə malikdilər. Onların oyun tərzi rəqibə bağlanmaq imkanı vermir. “İnter”in “Turan”la oyununa da baxmışam. Amma istənilən halda, bizim qarşımızda mövsümə qələbə ilə başlamaq vəzifəsi durur. Komandama inanıram.
- Avroliqanın yorğunluğunu üzərinizdən ata bilmisiz?
- Bizim əsas problemimiz ondan ibarətdi ki, “Qarabağ” çempionata yaxşı hazırlaşa bilməyib. Bizim hazırlığımız sadəcə avrokuboklar üçün idi. Çempionata hazırlaşmaq üçün isə vaxtımız qalmadı. Amma digər tərəfdən yorğun olsaq da, Avroliqa oyunları futbolçularımızın səviyyəsini daha da artırıb.
- Bizim əsas problemimiz ondan ibarətdi ki, “Qarabağ” çempionata yaxşı hazırlaşa bilməyib. Bizim hazırlığımız sadəcə avrokuboklar üçün idi. Çempionata hazırlaşmaq üçün isə vaxtımız qalmadı. Amma digər tərəfdən yorğun olsaq da, Avroliqa oyunları futbolçularımızın səviyyəsini daha da artırıb.
- Futbolçularınız oruc tutmağa davam edirlər?
- Bəli. Amma bu, bizə heç bir problem yaratmır. Hər il belə olub.
- Avroliqadan sonra futbolçular yeni mövsümdə çempionluğa oynayacaqlarını iddia etməyə başladılar...
- “Qarabağ” həmişə çempionluğa oynayıb. Biz həmişə birinci olmaq istəyirik. Minimum vəzifəmiz avrokuboklara düşməkdi.
