18 avqust 2011 01:36
Neftçinin qənimi Malmönü də darmadağın etdi (YENILƏNİB)
UEFA Çempionlar Liqasının pley-off mərhələsinin oyunlarına start verilib. Azerisport.az xəbər verir ki, qitənin ən nüfuzlu klub turnirinin qrup mərhələsinə vəsiqə uğrunda 20 komanda mübarizə aparır.
Təəssüf ki, onların arasında Azərbaycan komandası yoxdu. Çünki bu turnirdəki təmsilçimiz “Neftçi” çıxışını elə ilk cəhddə dayandırmalı oldu. Elə Türkiyənin “Trabzonspor” klubu da mübarizəni erkən dayandırdığından bu mərhələdə qardaş ölkə klublarından da hansınasa azarkeşlik edə bilmirik.
Lakin “Neftçi”ni mübarizədən kənarlaşdıran Zaqreb “Dinamo”su uğurlu çıxışını davam etdirir. Xorvatiya çempionu ÇL-in qrup mərhələsinə düşmək üçün İsveç “Malmö”sünü yolundan kənarlaşdırmalıdı.
Pley-off mərhələsinin ilk oyun günündə 5 görüş baş tutub. "Copenhagen" elə ilk oyundaca evdə "Viktoria"ya məğlub olmaqla növbəti mərhələ ümidlərinin üstündən xətt çəkməli olub. BATE və "Twente" isə müvafiq olaraq evdə "Sturm" və "Benfica" üzərində qələbə qazana bilməyib. "Arsenal" və Lion "Olympique"i isə "Udinese" və "Rubin"i məğlub yola salmağı bacarıb.
Son oyun günündə də elə eyni sayda görüş baş tutub. "Neftçi"nin qənimi "Dinamo" "Malmö"nü elə ilk oyunda darmadağın etməklə qrup mərhələsinə vəsiqəni demək olar ki, rəsmiləşdirib. Elə "Bayern" də "Zurich"in işini bitirmişə bənzəyir. "Wisla" və "Odense" müvafiq olaraq APOEL və "Villareal" üzərində minimal hesablı ev qələbəsinə sevinsə də, hər iki komanda bu üstünlüyün cavab matçında da qorumalıdı. "Maccabi" - "Genk" cütündə də hər şeyə Belçikada aydınlıq gələcək.
Keçirilən bütün oyunların nəticələri ilə aşağıda tanış ola bilərsiz.
Çempionlar Liqası
Pley-off mərhələsi
İlk oyunlar
16 avqust
Copenhagen (Danimarka) – Viktoria (Çexiya) - 1:3 (0:0)
Qollar: Ottesen, 69 - Kolar, 52, Pilar, 59, Fillo, 79.
BATE (Belarus) – Sturm (Avstriya) - 1:1 (0:1)
Qollar: Simiç, 59 - Veber, 12 - .
Twente (Hollandiya) - Benfica (Portuqaliya) - 2:2 (1:2)
Qollar: De Yonq, 7, Ruis, 80 - Kardozo, 22, Nolito, 36.
Arsenal (İngiltərə) – Udinese (İtaliya) - 1:0 (1:0)
Qol: Uolkot, 3.
Olympique (Lion) – Rubin (Rusiya) - 3:1 (2:1)
Qollar: Qomis, 10; 39, Briand, 71 - Dyadyun, 2.
17 avqust
Wisla (Polşa) – APOEL (Kipr) - 1:0 (0:0)
Qol: Maleçki, 71.
Maccabi (Hayfa, İsrail) – Genk (Belçika) - 2:1 (1:1)
Qollar: Amaşa, 8, Dvalişvili, 28 - Barda, 61.
Dinamo (Xorvatiya) – Malmö (İsveç) - 4:1 (1:1)
Qollar: Sammir, 4; 61-pen, Rukavina, 56, Beçiray, 84 - Mehmeti, 17.
Odense (Danimarka) - Villarreal (İspaniya) - 1:0 (0:0)
Qol: Andreasen, 84.
Bayern (Almaniya) – Zürich (İsveçrə) - 2:0 (1:0)
Qollar: Şvaynştayger, 8, Robben, 72.
Qeyd edək ki, ÇL-in pley-off mərhələsinin cavab oyunları avqustun 23-24-də keçiriləcək.
