14 avqust 2011 14:14
Julius Vobay XL-dan ayrıldı
“Xəzər Lənkəran”ın yarımmüdafiəçisi Julius Vobay komandanın sıralarını tərk etməyə qərar verib. Azerisport.az xəbər verir ki, o, klub rəhbərliyinin yeni müqavilə təklifini rədd edib.
Lakin təcrübəli yarımmüdafiəçi yenə Azərbaycan çempionatında çıxış etmək niyyətindədi. Cəub təmsilçisi isə bu oyunçunu transferə çıxarıb.
Öncədən də xəbər verdiyimiz kimi, Vobayla iki paytaxt klubu – “Bakı” və “Neftçi” maraqlanır. Son məlumatlara görə, hətta yarımmüdafiəçi artıq “Bakı”nın düşərgəsində məşqlərə başlayıb.
Xatırladaq ki, bu yay “Xəzər Lənkəran”ın hücumçusu Uinston Parks da cənub klubundan imtina edərək, “Bakı”ya keçib.
