Lippert: AFFA ilə müqaviləmin müddətini artırmaq istəyirəm

Azərbaycanın gənclərdən ibarət yığmasının baş məşqçisi Bernard Lippert hələ uzun müddət ölkəmizdə qalıb, fəaliyyətini davam etdirmək istəyir. Azerisport.az xəbər verir ki, o, bu haqda bir neçə gün öncə baş tutan Estoniya ilə yoldaşlıq oyunundan (3:1) verdiyi açıqlamasında danışıb:

“Mən artıq 3,5 ildən çoxdu ki, Azərbaycanda yaşayıram, işləyirəm. Mən təkcə U-21-in baş məşqçisi deyiləm. Həm də AFFA-da idman direktoru vəzifəsində çalışıram. Öncə mən bir illik müqavilə bağlamışdım. Sonra onu da iki illiyə artırdıq. Yenidən müqavilənin müddətini artırmaq, daha uzun müddət burda qalmaq istəyirəm. Azərbaycanın həmişə yaxşı oyunçu potensialı olub. Görüləsi işlər çoxdu. Gecə-gündüz çalışırıq ki, ən aşağı yaş qruplarından etibarən yaxşı futbolçular yetişdirək. Hesab edirəm ki, 8-10 ildən sonra biz bu ölkədə çox güclü futbolçular görə biləcəyik”.