16 avqust 2011 14:22
“Foqts məni növbəti toplanışa dəvət edəcəyini bildirdi”
Azərbaycan yığmasının yeni simalarından olan Ufuk Budaq müsahibəsində Makedoniyaya qarşı debüt matçından (0:1), Berti Foqtsdan yeni dəvət gözləməsindən danışıb. Azerisport.az sizi müdafiəçinin bəzi maraqlı açıqlamaları ilə tanış edir:
“Mən futbol oynamağa Ulmedə başlamışam. Orda gənc futbolçuların hazırlanmasına xüsusi diqqət verilirdi. Hansı ki, hazırda bir çox yetirmələri Bundesliqada çıxış edir. Bu, ordakı işin necə faydalı olduğundan xəbər verir” – deyə, Budaq futboldakı ilk addımlarını xatırlayır.
“Mən futbol oynamağa Ulmedə başlamışam. Orda gənc futbolçuların hazırlanmasına xüsusi diqqət verilirdi. Hansı ki, hazırda bir çox yetirmələri Bundesliqada çıxış edir. Bu, ordakı işin necə faydalı olduğundan xəbər verir” – deyə, Budaq futboldakı ilk addımlarını xatırlayır.
O, Azərbaycan yığmasına necə çağırılmasından danışarkən bunları dilə gətirib: “Mənə Azərbaycandan zəng gəldi. Bu, gənclərdən ibarət yığmanın baş məşqçisi Bernard Lippertdən idi. O, məni Moldovanın gənclərdən ibarət yığması ilə oyuna çağırdı”.
Qeyd edək ki, Lənkəranda keçirilən həmin oyunda Ufuk 90 dəqiqə meydanda olmuşdu. Onun oyunu hətta Berti Foqtsun da diqqətini cəlb etmişdi. Budağın millimizin baş məşqçisi haqda fikirləri da maraq doğurur:
“O, böyük məşqçidi. Mən onun rəhbərliyi altında Makedoniya ilə oyuna hazırlaşmaqdan, çıxış etməkdən böyük həzz aldım”.
“O, böyük məşqçidi. Mən onun rəhbərliyi altında Makedoniya ilə oyuna hazırlaşmaqdan, çıxış etməkdən böyük həzz aldım”.
Avqustun 10-da keçirilən Azərbaycan – Makedoniya matçındakı debütü Ufukun artıq bir daha Türkiyə yığmasında çıxış edə bilməyəcəyini də dəqiqləşdirdi. O, millimizdəki debüt oyunu haqda isə bunları dilə gətirib: “Qoran Pandevə qarşı futbol oynamaq çox xoş hiss idi. Foqts mənim çıxışımdan razı qalmışdı. O, məni yeni toplanışa da dəvət edəcəyini bildirdi. Hansı ki, iki həftə sonra toplaşmalıyıq. Mən azarkeşlərdən də ancaq xoş münasibət gördüm”.
Türk və Azərbaycan əsilli olmasına baxmayaraq, Almaniya vətəndaşlığını da daşıyan Ufuk Budaq AFFA-nın onu necə axtarıb tapdığını hələ də özü üçün anlaşılmaz hesab edir. Amma o, Azərbaycan yığmasında çıxış etməkdə heç bir problem görmür: “Mənə heç tərcüməçi də lazım deyil. Azərbaycan və Türkiyənin dilləri də bir-birinə doğmadı. Biz bir-birimizi asanca başa düşürük”.
