16 avqust 2011 11:18
Ruslan Abışov: Neftçi hər turda qələbə qazanmağı hədəfləyib
Azərbaycan çempionu “Neftçi”nin müdafiəçisi Ruslan Abışov azerisport.az saytına müsahibəsində Premyer Liqanın 2-ci turunun “Rəvan”la oyunundan, eləcə də qarşıdan gələn “Sumqayıt Şəhər”lə görüşdən danışıb.
- Yeni mövsümdəki ilk oyununuzu – “Rəvan”la qarşılaşmanı necə dəyərləndirərdiz?
- Düzünü deyim ki, çox çətin oyun alındı. Ona görə ki, bu, bizim cari mövsümdəki ilk oyunumuz idi. Məlum olduğu kimi, ilk oyunumuz “Qarabağ”a qarşı olsa da, təxirə salındı. Debüt isə həmişə ağır olur. Əsas odu ki, biz müsbət nəticəyə nail ola bildik. İnanıram ki, gələcək oyunlarda da uğurumuzun davamı gələcək.
- Deməli, debütü əla saymaq olar?
- Əla deməzdim. Normal. Biz qarşıda daha yaxşı oynaya bilərik. Özü də biz xeyli müddət idi oynamırdıq. Bu, bizim Çempionlar Liqasındakı “Dinamo” ilə oyunumuzdan sonra çıxdığımız ilk görüş idi.
- Əla deməzdim. Normal. Biz qarşıda daha yaxşı oynaya bilərik. Özü də biz xeyli müddət idi oynamırdıq. Bu, bizim Çempionlar Liqasındakı “Dinamo” ilə oyunumuzdan sonra çıxdığımız ilk görüş idi.
- İlk hissədə qol vursaz da, o qədər də yaxşı təsir bağışlamadız...
- Havanın isti olması da sözünü deyirdi. Çox isti var idi ki, bu da oynamağa çətinlik yaradırdı. Amma dediyim kimi, zamanla biz daha yaxşı oynamağa başlayacağıq.
- Amma hər halda hamı çempiondan debütant üzərində inamlı qələbə gözləyirdi...
- Mən “Rəvan”da oynayan futbolçuları debütant adlandırmazdım. Bu komanda demək olar ki, ötən mövsümkü “Muğan”dı. Sadəcə heyətlərinə bir neçə yeni futbolçu qatıblar. İstənilən halda artıq çempionatımızda zəif komanda qalmayıb.
- “Neftçi” üçün çempionata “Qarabağ”la başlamaq daha yaxşı idi, yoxsa “Rəvan”la?
- Fərqi yoxdu. Çempionatın startı həmişə çətin olur. Gördüyünüz kimi, “Rəvan”la da çətin qarşılaşma oldu. Heç də asan qələbə qazanmadıq.
- Qarşıda sizi daha bir debütant - “Sumqayıt Şəhər” gözləyir...
- Onların birinci turda “Xəzər Lənkəran”a qarşı necə oynadıqlarını görmüşəm. Yaxşı komandadı. Heyətlərində çoxlu gənc və perspektivli futbolçuları var. Amma “Neftçi” “Sumqayıt Şəhər”lə oyuna ancaq qələbə üçün çıxacaq. Biz ümumiyyətlə, hər turda qələbə qazanmağı hədəfləmişik. Odu ki, hansısa komanda ilə bağlı istisna ola bilməz.
