18 avqust 2011 13:52
Barcelona – Real matçında kütləvi dava (VİDEO)
Futbol üzrə İspaniya Superkubokunda “Barcelona” və “Real” (Madrid) klubları arasında keçirilən oyunda dava düşdüyünü xəbər vermişdik. Azerisport.az xəbər verir ki, hər şey “Real”ın oyunçusu Marselonun “Barcelona”nın yeni transferi Sesk Fabreqasa qarşı çox kobud fənd işlətməsindən sonra başlayıb.
Marselo qırmızı kart alsa da, bundan sonra meydançada iki komandanın oyunçuları və məşqçiləri arasında dava düşüb. Hakim davada iştirak edən Məsud Özil (“Real”) və David Vilyanı (“Barcelona”) da meydandan qovub.
Bundan sonra “Real”ın baş məşqçisi Joze Maurinyo arxadan yaxınlaşaraq “Barcelona”nın baş məşqçisi Xosep Qvardiolanın köməkçisi Tito Vilanovun qulağını dartıb. Buna cavab olaraq Vilanova geriyə çevrilərək Mourinyonu itələyib. Mourinyo sonradan iddia edib ki, Vilanovanın kim olduğunu bilməyib. Onun bu açıqlaması Qvardiolanın qəzəbinə səbəb olub. “Barsa”nın baş məşqçisi bildirib ki, Mourinyo ən xırda nəzakət hisslərini belə unudur: “O, Vilanovanın kim olduğunu bilməyə borcludu. Axı mən onun köməkçisini yaxşı tanıyıram”.
Xatırladaq ki, “Barcelona” iki oyunun nəticəsinə uyğun olaraq 5:4 hesabı ilə qalib gələrək üçüncü dəfə dalbadal İspaniya Superkubokunu qazanıb.
