19 avqust 2011 16:14
İnter – Bakı duellərində 20-ci pərdə
Premyer Liqanın 3-cü turunun mərkəzi oynunda “İnter” paytaxt derbisində “Bakı” ilə qarşılaşacaq. Azerisport.az xəbər verir ki, bu komandaların qarşıdurmasının tarixi 2004-cü ilə təsadüf edir.
Belə ki, 2004-cü ildən başlayaraq Azərbaycan çempionatı və kubok oyunları çərçivəsində “İnter” və “Bakı” 19 dəfə üz-üzə gəliblər. 9 görüşdə “Bakı” qalib gəlib, “İnter” isə 6 dəfə meydanı gülərüz tərk edib. Qalan 4 matçda isə qalib müəyyənləşməyib.
19 oyunda “İnter” 10 qol vurub, “Bakı” isə 17. Ötən mövsüm komandalar bir-birilə 4 dəfə görüşüblər və “Bakı” bu qarşılaşmaların heç birində qalib gələ bilməyib. “İnter” rəqibi 3 dəfə məğlub edib (1:0, 2:1,1:0). Bir qarşılaşma sülhlə başa çatıb.
9 ev oyununda “İnter” 3 dəfə “Bakı”nı məğlub edib. 2 dəfə heç-heçə qeydə alınıb və 4 dəfə qonaqlar güclü olublar. Topların fərqi belədi: 5-7
“İnter” - “Bakı” qarşılaşmasında ən populyar hesab 1:0-dı. Bu nəticə 19 qarşılaşmadan 9-da tabloya yazılıb. 5 dəfə “İnter” minimal hesabla qalib gəlib, bir qələbə az isə “Bakı” əldə edib.
