20 avqust 2011 13:35
Səmədov Rusiya yığmasından imtina etdi
Futbol üzrə Rusiya yığmasının baş məşqçisi Dik Advokat əslən azərbaycanlı futbolçu Aleksandr Səmədova yenə dəvət göndərməyib. Azerisport.az xəbər verir ki, çoxları onun nəhayət qarşıdan gələn AÇ-2012-nin seçmə mərhələsinin Makedoniya və İrlandiya ilə oyunlara dəvət olunacağını proqnozlaşdırsa da, bu, baş verməyib.
Hollandiyalı mütəxəssis “həmyerlimiz”i bu dəfə də əsas heyətdən kənarda qoyub. Əvəzində Səmədova Rusiyanın ikinci yığmasından dəvət gəlib. Ancaq Aleksandr bu komandanın sıralarına qoşulmaqdan imtina edib.
Qeyd edək ki, Səmədovun atası Gəncədəndi və o, Rusiyada anadan olduğundan bu ölkənin vətəndaşlığını daşıyır. Vaxtilə yığmamıza dəvət alsa da, Rusiya millisində çıxış etməyi daha üstün tutaraq Azərbaycan yığmasından imtina edən Moskva “Dinamo”sunun yarımmüdafiəçisi bütün bu baş verənlərdən sonra bir daha ölkəmiz haqda düşünə bilər.
