21 avqust 2011 13:20
“Bakı İnterə belə bir müraciət etməyib”
Premyer Liqanın 3-cü turunun qalmaqallı “İnter” – “Bakı” matçından sonra maraqlı şayiələr yayılmağa başladı. Azerisport.az xəbər verir ki, guya qonaq komandanın rəsmiləri feyr-pley əlaməti olaraq meydan sahiblərinə oyunu davam etdirəcəkləri halda penaltini vurmamağı təklif ediblər.
Lakin “Bakı”nın meneceri Kamran İsmayılov saytımıza müsahibəsində bu xəbəri təkzib edib: “Bakı” tərəfindən “İnter”ə heç bir müraciət olunmayıb. Deyirlər ki, guya biz onlara müraciət etmişik ki, penaltini vurmuruq, amma meydana qayıdın. Belə şey olmayıb. Biz nəyə görə ədalətli penaltini yerinə yetirməməliyik ki? Lomaya qaydaları pozmuşdu və buna görə penalti təyin olunmalıydı. Sadəcə meydan sahibləri meydanı tərk etdilər, matç başa çatmadı. “İnter”in oyunçuları başa düşməlidilər ki, bir oyunda bir neçə penalti təyin oluna bilər. Futbolu sona kimi oynamaq lazımdı”.
