22 avqust 2011 11:52
Kaxaber Tsxadadze təkzib etdi
“İnter”in baş məşqçisi Kaxaber Tsxadadze avqustun 20-də keçirilmiş Premyer Liqanın 3-cü turunun “İnter” - “Bakı” qarşılaşmasından sonra baş vermiş hadisə zamanı həmkarına qarşı hər hansı bir təhqiramiz ifadələr işlətmədiyini bildirib. Azerisport.az xəbər verir ki, o, klubun rəsmi saytına açıqlamasında bunları dilə gətirib:
“Mən “Bakı” komandasının baş məşqçisi Aleksandr Starkova qarşı hər hansı bir təhqiramiz ifadələr işlətməmişəm. Bununla bağlı yazılanlar tamamilə yalandı. Mən yalnız rəqib komandanın menecer heyətinə daxil olan klub rəsmisinin qeyri-adekvat davranışına qarşı etirazımı bildirmişəm”.
Tsxadadze idman saytlarından birinin onun haqqında yazdığı materiala da münasibətini açıqlayıb: “Adını açıqlamayacağam, qısaca cavab vermək istəyirəm ki, həmin idman saytı hələ uzun müddət xəyallara dalmalı olacaq. Mən komandamı çalışdırmaqda davam edəcəyəm”.
